والله ياحبيبتي شوقتيني اني اروح له

بإذن الله اذا رحت بعطيك خبر وبقولك رأيي فيه وانا واثقه انه بيعجبني وجزااااااااااك الله كل خير

و الله يسهل عليك ولادتك يارررررررب
ممكن اعرف ها المحل شو الاسعار عندة وشو يبيع
هلا بأختي أحلا عيون a7laa_3yoon

يبيع المحل المذكور اللي بالشارقة - طال عمرك وعمر القارئين- كل أنواع الأثاث من طاولات سفرة وغرف نوم وجلوس واكسسوارات ولكن من الخشب البني المعتق (الانتيك) وليس الاثاث الكلاسيكي أو الموبيليا اللي نشوفهم في محلات التأثيث العادية ..
أما بالنسبة لأسعاره فهي جدا معقولة مقارنة مع باقي محلات الاثاث يعني مثلا انا شريت من عنده غرفة سفرة لست أشخاص من النوع الغريب جدا والمعتق من الوسط محفورة بالنحاس وفوفها زجاج حتى يبين الشغل الرائع اللي فيها مع كراسيها ما تعدت 500ر5 درهم إماراتي وكذلك كانت طاولة الوسط والطاولات الجانبية من نفس موديل طاولة السفرة وكانوا بسعر جدا رائع لم يتعد 500ر2 درهم ..
في محل Laura Ashly لورا اشلي اللي موجود في سيتي سنتر - دبي طاولة الوسط فقط تحمل نفس فكرة طاولة الوسط اللي عندي ولكن اللي عندي فيها شغل اكثر تخيلي إنها في لورا اشلي بعشرة آلاف درهم 000ر10 درهم .. فقط طاولة الوسط وبدون طاولات جانبية ولا غرفة سفرة .. هذا وهي عادية ..
إذا إنتِ من اهل دبي او الشارقة انصحك بزيارته إذا تحبين هذا النوع من الاثاث ..
وعلى فكرة في صديقات لي أجانب (بريطانيات وفرنسيات وأمريكيات وغيرهم ) يعملون من فترة لفترة رحلة للمحل كمجموعة ويتشرون من عنده أو حتى بعضهم يروح بس علشان يتفرج على جمال القطع الموجودة والشغل اللي فيها ..

مشكلة هذا المحل إنه البضائع فيه والقطع كثييييييييييييي رة جدا فهو على شكل مخزن كبير .. فمن كثر القطع تحتارين وقد لا تلفينه كله .. ولكن نصيحة روحيه بالنهار وراح تجدي فيه متعة جميلة .. هذا عني شخصيا وأرجو أن تكوني كذلك.

تحياتي للجميع
اختك/زعفران
مشكورة اختى زعفران الجنة كفيتى ووفيتى

جزاك الله الف خير

ولك جزيل الشكر
اختي زعفران الجنة

انا وعدتك اذا رحت بخبرك فعلاً رحت وعجزنا واحنا نلف وما لقيناه وبعد معاناه اتصلت في البداله واخذت العنوان

بس الاسم Pinky للأثاث وعنوانه خلف المحلات المقابله لكلية الأفق المهم وصلنا له وانا وزوجي نقول ماشاء

الله مال بوظبي وين وصلوا له وين يدعسون ماشاء الله عليكم شطار

الصراحه انصدمت يوم دخلت تفاجأت انا مو في الامارات ولا كله كوم وزوجي كوم يمووووووووووت على هالسوالف

لفينا فيه ماخلينا قطعه الا طلينا فيه ذكرتينا في سوق كامل من هالشغلات في باكستان والله انه اسعاره اغلى من هذا

المحل و جبت منه

عجبنا فيه الأبواب والطاولات الي فيها شغل بالنحاس انا تخبلت على الأرجوحه السوده اذا تذكرينها

المشكله ان بيتي جديد ومؤثثته كامل وزوجي عاجبه المحل وملزم الا ياخذ منه اخذنا مقاس لجدار وبنركب فيه باب كديكور وباخذ طاوله المشغوله بالنحاس مثل الباب وبركب عليها زجاج

وعجبني الاصيصات للزراعه لقيت منها في باكستان بس فيها صور اصنام وما خذتها

وبعدني بفكر وبدور فراغات في البيت وبشتري منه عموماً جزاك الله كل الخير على هالمكان الرائع وزوجي يشكر ايضاَ


الساعة الآن 07:43 .