Analysis Services
  • «
  • <
  • 1
  • 2
  • 3
  • »
مرحبااااااااا


هذي طريقة من منتدى لك...

السلام عليكم ورحمة الله وبركاته جميعاً ..

من بعد ماكتبت لكم طريقة القشد .. سألتني الأخت امجاد الخليج عن طريقة الحنيني

وهي أكله شتوية شعبية سعودية

وبالتحديد في منطقة نجد

طبعاً وعدتها اني أنزلها قريب

لكن اللي أنا جايبة لكم اليوم هي طريقة الحنيني المطور ..

أما الطريقة التقليدية أبكتبها لكم في الرد المقبل إن شاء الله

بس اعذروني بدون صور .. لأني ماسويتها .. موب متوفرة عندي كل احتياجاتها !!



نبدأ على بركة الله

المقادير:

كيس كامل من خبز التوست البر
أصبع زبدة
كاس ونص تمر معبوط (معجون) أو أكثر
وشوي حليب

الطريقة :
تطحنين الخبز
و تسيحين الزبدة وتحطين معها التمر عشان يلين




وبعدين تخلطينهم مع بعض وتضيفين الحليب
لا تكثرين بس شوي قد انه يلين الخليط .. يعني ترشينه بس
واخلطيهم مرة ثانية سواء في الخلاط أو بيديك .. في الخلاط أسهل ويطلع نثري




طبعاً الحنيني يطلع نثري نوعاً ما .. مو متماسك


وحطيه في صينية بايركس ثم في الفرن على حرارة متوسطة .. لمدة ربع ساعة




وبعدين فتتيه لو احتجتي

وحطيه في الحافظة .. وبسسسس

وتقدرين تحطينه في أكياس وتحطينه في الفريزر و إذا بغيتيه تحمينه عادي

بصراحة لذييييييذ لا يفوتكم

.. وبالعافية ..


======

أما بالنسبة للطريقة الأصلية هي انك تجيبين الخبز البر السميك تعرفونه !؟

وتبللينه في شوي موية مغلية تغمسينه وعلى طوووول تشيلينه

مايطول أبددددد

وتفرمينه في فرامة اللحم مع تمر معبوط

يعني تحطين شوي تمر وشوي خبز مع بعض في الفرامة عشان تختلط

و يفرم أكثر من مرة ويعجن بالزبدة (البلدي على قولتهم)

وبصراحة لذيييييييذ وماينشبع منه

فيه ناس إذا حطوه في الحافظة يرشون عليه فلفل أسود

ويحطون عليه شرائح ليمون << ماأدري ليه مع انه حالي




==


اتمنى إني أفدتك
30-01-1430 هـ, 01:51 مساءً
 
اب
26-12-1432 هـ, 02:40 صباحاً
 
الموضوع حلو
26-12-1432 هـ, 02:40 صباحاً
 


الساعة الآن 04:23 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏