اخواتي الفاضلات انا عندي مشغل نسائي بشمال الرياض سمعته ممتازه وله زباينه الي يجون غالبيتهم من اجلي لجوده شغلي وحرصي التام على رضاء الزبونه بدون تصنع فأنا بالفعل اتعامل مع زبايني مثل خواتي واصدقهم القول في كل شي خصوصااني انا اختصاصيه المكياج والشعر وفي نفس الوقت انا المسؤوله الاولى عن الخياطه والتصاميم وهذا حالي من اكثر من خمس سنوات يمكن تقولون طيب وين المشكله اقولكم المشكله في العاملات الي معي عرفوا اني معاهم خطوه بخطوه فاتكلوا علي واصبحوا مايشكون خيط بابره الابوجودي خصوصا الخياطات على ان خياطهم في منتهى الروعه حرام اظلمهم الفستان يطلع كانه جاهز مو بس يضبطون الموديل بل تجدين القطعه من الداخل قمه في النظافه ولكن لازم انا موجوده تخيلوا خياطه وصالون واداره فعلا بانهبل اصبحت عصبيه وماني طايقه حتى عيالي وماعاد دوامت كثير ..عشان كذا اخاف تعب السنين يروح فجأه ...........لذلك قررت اجيب وحده سعوديه عندها خبره في كل الامور السابقه تدخل معي كشريكه وماراح اطلب منها راس مال ابي منها جهدها واهتمامها بكل شي ومو شرط تكون كوافيره ومصممه في نفس الوقت يكفيني يكون عندها خبره في احد المجالين واهم شي تكون اداريه من الدرجه الاولى .كثيريقولون انت مجنونه لما صارلك سمعه وزباين تدورين على شريكه جيبي مديره واعطيها راتب حتى لو كبير شوي .لكن انا اقول جربت هالموضوع وما نفع مافيه زي وحده تحس ان المشغل مشغلها راح تعطيه مثلي انا بالضبط .لذلك من تجد في نفسها الرغبه والجديه تراسلني عالخاص.
02-02-1430 هـ, 12:15 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
الله يوفقك ارسلت لك على الخاص
02-02-1430 هـ, 02:17 مساءً
 
الله يعينك اعرف وحده ممتازه في الادارة والتعامل

وتبي تشتغل فتره صباحية فقط

اذا لك رغبه فيها ردي على الخاص
02-02-1430 هـ, 04:46 مساءً
 
الله يوفقك حبيبتي ارسلت لك خاص وفي انتظار الرد
02-02-1430 هـ, 05:24 مساءً
 
مشكوره اختي بحر الزين على اهتمامك ولكن كما ذكرت احتاج وحده تكون متواجده في الفترتين لان العمل بالمشاغل يكون مرتبط ببعضه لذلك لابد من تواجد نفس الاداريه في الفترتين.لك جزيل الشكر.
03-02-1430 هـ, 01:59 صباحاً
 


الساعة الآن 07:32 .