السلام عليكم ورحمة الله وبركاته
اخواتي اصعب شيء عندي لما افكر وش اطبخ غداء لليوم عن جد يضيق صدري
فانا حابه كل وحده تكتب غداها لكل يوم عشان نتشجع ونبدع في الاكل ويكون صحي ومنوع ولذيذ
ولو فيه صور بيكون احسن والله يجزاكم خير
02-02-1430 هـ, 01:38 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
بالفعل الاكل حيره والفكره كتر حلوه ياريت نتساعد عشان نحل هالمشكله
02-02-1430 هـ, 02:29 مساءً
 
والله فكره حلوه
ويليت كل وحده تكتب غداءمتكامل من الطبق الرئسيي إلى السلطه ومعاها صور
وبكذا كل وحده تختار غداها من اليل وتكون عارفه وش تسوي
02-02-1430 هـ, 02:48 مساءً
 
فكره حلووه
03-02-1430 هـ, 10:31 صباحاً
 
بنات انا ماني شايفه الا فكره حلوه وبس ما اشوف الفعل


يالله انا رايحه ابدأ


اليوم غداي دجاجه مشويه بالفرن

شوربة كويكر (شوفان) بالطماطم

سلطه خضرا بصوص الروب الحامض

زر ابيض


والحين لكم الطريقه لكل طبق:

الدجاجه المشويه:

بالخلاط نجهز التتبيله الآتيه( نص كاس خل + ليمونه مقشره ومقطعه + ملح + فلفل + بهار مشكل+ كزبره وبقدونس شوي+ حبة طماطم وسط + ملعقة صلصة طماط + بصله وسط + 3فصوص ثوم) نتبل الدجاجه من الليل اذا كنتي مخططه أو قبل الطبخ بساعتين

توضع الدجاجه في صينية الفرن وتغطى بالقصدير وتدخل الفرن ممكن تضيفي حلقات بطاطس مع الدجاج بعد تقليبها بالخلطه.



شوربة الكويكركر:
أنا اسويها بدون مقادير حسب احتياجك المهم بعطيكم الطريقه

طماط مخلوط بالخلاط و صلصة طماطم
ليمون ، فلفل اسود ، ملح، ليمون اسود ، ثوم مهروس


نضع زيت في القدر مقدار ملعقتين تقريبا ثم نضع الثوم المهروس نقلبه شوي على النار ثم نضيف صلصة الطماطم تقريبا ملعقه ثم عصير الطماط نتركه ليتسبك الطماط


نضع الكويكر بالتدريج مع الاستمرار بالخلط ثم نزيد ماء مغلي حسب الرغبه اذا تبيها خفيفه او ثقيله انتي خفيفيها لأن الكويكر يثقل

نبهر الشوربه ونضيف عصير الليمون وحبات الليمون الاسود وتتترك على نااار هاااااااااااااااااادئه لمده ربع لنص ساعه افضل


والحين نجي للسلطه:

قطعي الخضار اللي تبينها بالحجم اللي تبينه

الصلصه: زبادي (روب) + عصير ليمون + خل + زيت زيتون + ملح + شوي فلفل + سماق

نخلط السلطه مع الصلصه ثم نضيف الخبز المحمص حسب الرغبه....



الرز الأبيض:

هذي طريقة ماما في الرز الابيض وفي كل انواع الرز تقريبا :

لكل كاسة رز كاسه ونص مويه

عند نقع الرز اضيفي ملح مع الرز ولا تزيدي مدة النقع عن 10 دقايق ..

نجي لطبخه:

نضع الزيت بحيث انو يغطي قاع القدر ويرتفع شوي ونضع عليه حسب الرغبه قرنفل حب 2 او 3 مش اكثر ثم نضع الرز بعد شخله ( تصفيته من الماء) ونقلبه بالزيت بدون ما نكسر الحبه قلبتين يكفي علشان ما يصير الرز متلاصق

ثم نملحه ونصيف عليه الماء المغلي حسب المقدار اللي عندك اول ما يبدى الرز ينشف مويته نحطه على نار هادئه ونتركه الى ان يستوي...




بالهنا والعافيه
03-02-1430 هـ, 11:14 صباحاً
 


الساعة الآن 01:35 .