السلام غليكم و رخمة الله و بركاته،
اختي ميسان عنديلك طريقه للفقع تاكلين اصبعك وراها، جربيها و ان شاء الله تجوز لك

المقادير:
1 دجاجه مقطعه قطع كبيره
½ كوب بصل مقطع
دارسين (قرفه) + هيل (كامل مو مطحون)
1 ملعقه صغير من كل من بهار مشكل + ملح
½ كوب طماط مقطع
4 اكواب فقع منظف و مقطع قطع متوسطه ( يعني تقريبا 2.5 سم)
ملعقه صغيره ليمون اسود (مطحون)
¼ ملعقه صغيره فلفل اسود
2 كوب رز (مغسوا و منقع)
5 حبات فلفل اخضر حار ( اذا ما تحبين الحار قللي)


الطريقة:
نطقي الدجاج و نقعيه بعصير ليمون و ثوم و ملح لمدة ساعه
حمري البصل بشوية زيت و بعدين حصي معاه البهارات الكامله و حمسيهم مع البصل شوي
اضيفي الدجاج للبصل والبهارات و اطبخيه (بس الا ما يروح الون الوردي من الدجاج)
الى استوى ذري عليه البهار المشكل و الملح و الطماط اخلطيهم زين و غطيه و خليه على النار الى ما يتبخر اكثر الماي
اضيفي الفقع للدجاج و صبي على الخلطه ماي حار ( الماي خليه يغطي الدجاج بس لا يزيد)
غطيه و خليه يطبخ الى ما بستوي الدجاج و الفقع (يعني تقريبا ساعه)
طلعي الدجاج من المرق و اطبخيع في الفرن 350 الا ما يحمر ( لا تخلينه مده في الفرن ولا ينشف)
طلعي الفقع من المرق و اخلطيه مع الليمون الاسود و الفلفل الاسود و احمسيه مع شويه ماي و حطيه فوق الدجاج

اطبخي الرز بمرق الفقع (بسلا يصير المرق اكثر من 3 اكواب عشان الرز ما يصير مريس)

بس و قدميه مع الفقع و الدجاج و الف صحه ز عافيه

تراها لذيذه و ان شاء الله تعجبك و صدقيني سهلهز جربيها و الا جربتيها علميني رايكز

اختك
ام سطام
"إن من أراد التحدث إلى الله تعالى فليعمد إلى الصلاة، و من أراد أن يحدثه الله فليقرأ القرآن"


الساعة الآن 11:02 .