الله يعينك ***** الله البنات مايقصرون معك
اهم شيئ سويلهم كبسة وكثري اللحم ...
السلطات سوي كذااا نوع ...
المعجنات ب3 أو 4 اشكال واخيرا الحلى

ما شاء الله المنتدى مليان وصفااات وبالشرح المملل ,,

بالتوفيق اختي ..
بعطيك طريقة برياني تخلي رجلك يطير فيك
بس ركزي معا شوي يا حلوة


اول شي اسلقي اللحمة في قدر الضغط او القدر العادي لحد ما تستوي
بعدين ضيفيها عالخلطة التالي ذكرها
الكميات على حسب كمية لحمتك انتي تحددينها
زبادي كركم بهارات الكبسة العادية كمون نعناع ناشف مطحون( بس لا تكثرين عشان ما يمرر) ثوم وبس نقعي اللحمة فيها اذا مستعجلة سويها على طول واذا لا خليها تتشرب وكل ما طولت كل ما صار احسن

وبعدين سوي رز ابيض عادي موية وزيت وملح وهيل ولا تخلينه يستوي للاخير نص استواء يعني

الحين نجي للكلام الكبير

جيبي القدر اللي يكفي لحمتك ورزك وحطي فيه سمنة وبهارات عدلة هيل وفلفل اسود وورق غار ليمون اسود قرفةفلفل ناشف احمر حق الهنود لو تحبين ولو عندك خردل حب ومسمار )قرنفل( المهم البهارات اللي عندك بس تكون صحيحة مو مطحونة تقدحينها بالسمنة لحد ما تتطقطق وتحسين ريحتها طلعت صفيها من السمنة وخلي بس الليمون الاسود والفلفل الناشف والباقي تخلصي منه لاننا ما نبغى الا نكهتها بس
تكونين مجهزة بصل كميته معقولة مو شوي كلم ما كثرتي كل ما طلع احلى مع ثوم وحمريها بالسمنة وانا اقول سمنة مو زيت لانه اطعم بكثير وفي هالمرحلة جيبي قطعة شحمة من اللحمة اقطعيها و حطيها مع السمنة وخليها تذوب مع البصل والثوم اذا تغير لون البصل والثوم وصار على ذهبي حطي اللحمة عليه بتتبيلتهاوخليها لما تتسبك يعني يتغير قوامها ويثقل الزبادي شوي
بعين جيبي الرز قدر مغرفتين او اكثر واخلطيها مع اللحمة واذا حسيتي انها شوية زيدي
وبعدين كملي باقي الرز كله لما تخلص كمية الرز
اذا خلصت جيبي نص كاس موية ورد ونقعي فيها زعفران واذا ما عندك زعفران عادي اللون حق الاكل يكفي اللي اسمه صفار الزعفران يكفي حطيه على لرز من جهة وحدة لا توزعينه
ووقت التقديم زينيه ببيض مسلوق ولوز وصنوبر مقلي وشرايح ليمون وطماطم وبصل مقلي زي الكشري

وبس
خارج الخدمة مؤقتاً
طبعا انا جبت لك الطريقة بالتفصيل الممل
لاني والله حاسة فيك وانا اختك

اذا ما فهمتي اي شي اسالي
واذا عجبتك الطريقة وسويتيها ياريت تبليغيني كيف طلعت
وترى لا تهمك كثر الخطوات سهل مرة اقري الطريقة اكثر من مرة وانتي بتفهمين


والتقديم قدمي معه فتوش وسلطة زبادي بالخيار ولبن وشطة حارة ودقوس ومخلل وبس ما يبيله اكثر من كذا

بالتوفيق حبيبتي
خارج الخدمة مؤقتاً
نصيحة كثري في أنواع الأطباق .... أهون وأبرك من الأطباق القليلة وكمياتها كبيرة ....

لأنك مثلي ماتزبط معي الكميات الكبيرة ....


الله يكون في عونك
استودعناك الله يا رمضان


الساعة الآن 09:33 .