السويق .. او زي مانسميه عندنا الدخن .. يتحمس وهو حب على نار هاديه جدا الين ياخذ اللون اللي تحبين .. والافضل انه يكون بني فاتح .. يضاف له قليل من الملح وفيه ناس يضيفون سكر ع حسب الرغبات واختلاف المناطق .. بعد مايتحمس ينطحن .. وطريقة تقديمه تختلف .. التقليديه او طريقة البدو فيه انه يضاف لبودرة الدخن .. يعني بعد طحنه .. السمن البري .. اقصد سمن الغنم ز. بالقوام اللي تحبينه .. يعني ممكن تخلينه بقوام الطحينه السائله ويتغمس بالتمر . .وهذ وجبه اساسيه عندنا برمضان اهميتها زي اهمية التمر يعني مااتخيل فطور رمضان من غيرها
او انك تنقين تمر من الفص او العجم وتخلطينه مع كميه من الدخن وتعجنينهم بالسمن .. والكميات على حسب الرغبه .. يعني فيه ناس يفضلون السمن كثير وفيه ناس يفضلون الدخن اكثر .. وتنعجن مع بعض وتؤكل بهالشكل .. بالنسبه لاضافة السكر او العسل يمكن مفيده من الناحيه الغذائيه بس انا ماافضلها لانه اصلا بيكون حالي بسبب التمر واي زيادة لنسبة الحلا بيخرب طعمها .. هذا رأي شخصي ..
هذي طريقتنا احنا .. وفيه اشياء كثيره ممكن تستخدمينها بالدخن مثل كيكة الدخن لذيذه .. سوي بحث وبتطلع لك ..
07-02-1430 هـ, 03:14 صباحاً
 
ماعندي فكرة إن شاء الله البنات يفيدونج وحياج الله
07-02-1430 هـ, 03:16 مساءً
 
up
up
up

ياليت اقدر افيدك

بنات حوا ماراح يقصرون معك
07-02-1430 هـ, 04:16 مساءً
 
اسهل طريقه للسويق اللي هو الدخن
ذوبي ربع اصبع زبده وبعد ماتذوب رشي عليها
دخن او سويق بودره لين تصير مثل البشامل ثقيله شوي
وحركيهاعلى نار هاديه لمدة دقيقه فقط
وقدميه مع القهوه غمسي فيه التمر
لذيذ جدا ومفيد
وعلى فكره طعمه مع التمر يشبه التوفي

اتمنى افدتك عزيزتي
07-02-1430 هـ, 05:29 مساءً
 


الساعة الآن 09:55 .