معاكي حق باللي سويتيه انتي قاعده تتعاملين معاه وكانها بنتك انتي ما تضربينها على الطالعه والنازله ،،،
خلك مثل ما انتي وخلي ابوها يوم يدرسها بحجة انك تعبانه اذا تعب معاها بيعرف انك ما قبصتيها من حقد بقلبك تجاهها وجزاك الله خير على حسن راعيتك لاولاد زوجك ،،، تسلحي بالدعاء ودائما ادعي الله انه يهدي اولاد زوجك وشوفي دكتور نفسي او حتى شوفي مملكة بلقيس واستشيريهم بحالة بنت زوجك يمكن بفضل الله ثم بفضلك تتعدل ويخف العناد والكذب عندها

اهم شي انه متفهم

وانتي خفي عليها شووي

يعني لو هي بنتك من بطنك بنقول لك هالحكي

علشان كذا بكلمك على انها بنتك (وانتي انسي انها مو بنتك

.. الرسول نهى عن الضرب المبرح الي يترك اكثر

لقطة العصا لحالها تخوف الطفل لو ماضربتيه

واستعملي معها الثواب والعقاب

ولاتلومين زوجك انو يلومك .. هو يخاف من كثر الي يشوف

ويخاف يتحول عقابك لها عقاب مرت ابو مو عقاب تربوي

شيلي من ذا وارمي على ذا

وبكرا تبي تصير ابر فيك من عيالك الي ولدتيهم

الله يرزقك على قد نيتك

مشكورين خواتي ماقصرتو الله لايحرمكم الأجر ان شاء الله

بنسبه لعقاب بنتي اللي هي بنت زوجي والله والله انه مو عن حقد بلعكس ياناس الواحد يشري راحته يعني لما اعصب على احد وجلس اتابعه واعلمه الصح من الغلط اربع وعشرين ساعه بذمتكم ماتعب مايعورني راسي ما اتنرفز

وربي اني بيني وبين نفسي مابي امد يدي حتى لما امسك احد ونبهه بجد ودي يدي تنقص ولا امدها لاني انا مرة اب يعني انا موضوع لي حدود ما اتجاوزها لاني ايش لاني مرة اب وطبيعي انه مرة الاب خبيثه وشريره خاصه على الصغار والكل عارف الشي هذا وانا مالوم ابوهم لو خاف على بنته مني

انا على فكره عندي بنت صغينونه لما تكبر ان شاء الله راح اعملها مثلها مثل اخوانها وبيني وبينكم يمكن اشد عليها على حسب سلوكها على الاقل ماراح حد ينضرلي نضرة اني مراة اب وبلاخص ابوها

وكلنا ماننسا كيف الام تربي عيالها ماقول القسوه وشده زينه لا ولا كمان اتدليل الزايد ولاهمال زين كل شي وله وقته اهم شي في التربيه الحنان والمتابعه يمكن انا اكون مقصره

اشي اللي يقهر ويحز بلخاطر انه البنت مره عاقبتها امها عقاب شديد مره مره وهي انها حمت الملعقه وحطتها على يدها واحرقتها طبعا يوم كانت صغيره انا لما قبصت البنت وبوها تكلم معي بخصوص الموضوع قال انتي مافيه فرق بينك وبين امهم اللي عاقبتها زمان بلملعقه الحاره .......... بذمتكم هذي مقارنه عادله !!!؟؟؟

والله يرزقني على قد نيتي ياااااااارب

ما عليك انتي الي بتسوينه امر مو طبيعي الكثيرات ما يتحملون عيالهم وانتي متحملة عيال مو عيالك
بس بتواجهين زي كذا لأن كل شيء محسوب عليك بس انتي راقبي الله سبحانه في هؤلائ الصغار واعطيهم ما فقدوه من حنان خليك حنونة واذا سوو شيء حلو كافئيهم اهم شيء في البداية تكسبي ودهم وخصوصا البنت الكبيرة لازم تشوفي وش تعاني منه خليها تحكي لك وش يضايقها وضميها لصدرك كي تشعر بحنان لا تلوميها ما حصل بين أمها وابوها اكييد متعبها وتظهره بالشقاوة لأنها ما لقيت احد تحكي له هي تفهم ما يصير
الله يجزاك كل خير على ما تسوينه لهاؤلائ الصغار الضحايا الله لا يحرمك الجنة يا رب
اعرف وحدة ربت ولد زوجها ولا نفعها إلا هو وعيالها راحوا في دنياهم ولا بقي إلا ولد زوجها الي ربته بعد الله لا ترى ولا تسمع فيه تحبه وهو يحبها
والله كافءها بالدنيا والله لا يحرمها الاجر في الآخرة معليش طولت عليك

الله يجزاك خير على تربيتك لهم
واهم شي انك تحببين البنت فيك وتحبينها من قلبك واغمريها بحنانك وعطفك
ودايم تخيلي لو كانت بنتك مكانها
ولاتلتفتي لكلام الناس