اللي نفاس وبعيدة عن زوجها وبيتها تعالواقولوا لي؟!

الحمل والإنجاب

أولا السلام عليكم ورحمة الله وبركاته

ثانيا : مبروك لكل وحدة ولدت ورزقها ربي بالمولود اللي يسر قلبها ..ويعله العطاء الصالح

ثالثا: أنا خجلانة بنات من طرحي للسؤال هذا وأخاف تنتقدوني :06: بس والله فيني الصيحة

صار لي أسبوع من ولدت ولله الحمد والمنة ..

أنا متعلقة وايد بريلي الله يخليه لي ولايحرمني منه كوني يتيمة أحس إني:04: عنده ..

رحت نفست عند أخوي والله مو مقصر عني شيء بس تبون الصدج أنا نفسيتي جدا تعبانة والسبة البعد عن ريلي وبيتي..

والله لولا الحياء لأرد لبيتي بس مقدر عاداتنا اللي تقهر وبعدين أنا بكرية ..يعني صعبة أنفس بروحي

حتى أني مازلت تعبانة من بعد الولادة لأني تعبت وقتها ..

وريلي مامر علي غير مرة وحدة

يعني شنو المفروض يزروني كل كم يوم؟

وبعد سؤالي تكفون جاوبوني عليه هل تشعرون بالألم في البعد عن الزوج والبيت اللي تعودتي عليه ، وإلا أنا مريضة

وتعلقي فيه فوق المعقوووول ..لأني بصراحة حيييييييييل تعبانة ونفسي سادة عن الأكل ..

وأستروا ماواجهتوا وادعولي أن الله يخلينا لبعض ولايحرمني منه
46
6K

يلزم عليك تسجيل الدخول أولًا لكتابة تعليق.

تسجيل دخول

اام محمد
اام محمد
ربى يكون فى عونك اختى و الحمد الله على السلامه احنا لازم فى التففاس نكون مع ازواجنا بس زوجك يقدر يجيك كل يوم و تشوففينه و الله انى حاسه فيك كله فتر و تمر
أنوار الكويت
أنوار الكويت
الله يخليكم لبعض................ بس عادي ............. والشيء اللي ما اتعرفينه ................ ان هالضيقه تجي حق كل الحريم بعد الولاده............... وتحاول انها تجد لهذه الضيقه اسباب.......... سلامات
فجر الظلام
فجر الظلام
أم محمد الله يهنيج يارب ...

أنوار ..اللهم آمين ..يعني شلون حبيبتي ممكن تصير الضيقة هذي مو عشان ريلي !!

مافهمت عليج واللي يسلمج وضحي؟؟
RED ROSE
RED ROSE
يابنت الحلال هي فترة وتمر ..الحين انتبهي لنفسك ولصحتك وللبيبي ..وان شاءالله بترجعين بعد فترة ..الله يخليكم لبعض
::: مرح :::
::: مرح :::
كلميه كل يوم وقولي له مشتاقة له و و و و

وكلها كم يوم و ترجعي بيتك إن شاء الله بالسلامة

والله لا يحرمكم من بعض