Analysis Services
القهوه تمر ومعمول العشاء سوي سلطه كنتاكي وسلطه مكرونه ورز دجاج مع خضار في قدر الضغط سهل وينفع للعزايم وسلطه حاره وسلطه زبادي وسوي نوعين حلا سفره

وبالنسبه للصحون اذا عندك طقم صيني افضل من الورق

والله يعينك على غسيلهم
11-02-1430 هـ, 11:29 مساءً
 
11-02-1430 هـ, 11:53 مساءً
 
12-02-1430 هـ, 02:58 مساءً
 
ينقل من الساخنة الي أطباق عالم حــــــــــواء
12-02-1430 هـ, 03:05 مساءً
 
مرحبا..

يا حبي للعزايم..ولو إنهم أنواع الدوشة..والتعب..والكرف قبل وبعد..


بس بعد مافي أحلى منهم..لمة الأهل تسوى بالدنيا كلها..


أنا بعطيك اللي أنا أسويه..

بالنسبة لي أحب الشي البسيط..واللي أضبطه..وأهم شي أهتم بالطريقة اللي يتقدم فيها..


طبعاً إبتدي رتبي المكان اللي بتجلسون فيه..

إن كان طاولة..رتبي المفرش والفوط والزينة..من شموع و ورد..

جهزي طقم الملاعق اللي للغرف..والملاعق اللي للأكل..

جهزي الجيكات للعصاير..والكاسات..

إذا بيكون العشا على طاولة..حطي المفرش وإفرشي فوقة بلاستيك أبيض شفاف خفيف..ينباع بكل المحلات اللي تبيع أدوات المنزل..عشان يهل عليك التنظيف..

وفوقة صفي الصحون..والملاعق..والكاسات..

إذا عالأرض..

خذي سفرة جاهزة بلاستك..في منها أشكال مرة حلوة..وبالأمتار..

ونفس الشي جهزي لها كل الازم..

وبما إن خالتك مو لمكم أحلى تطلعين أحلى طقم صيني عندك..مو حلوة بلاستك..

وإبتدي جهزي ترامس الشاهي والقهوة..

جهزي معمول..أو بسكوت..أو كوكيز..أو كيك..

خذي شكولا جاهز للتقديم..

المعمول والبسكوت إن بتسويه بالبيت حتى لو سويتيه قبل يومين أو ثلاثه عادي..

أنا ما أحب أقدم أشياء كثيرة قبل العشا..

يعني ممكن الواحد يشبع..ولا ياكل زين..

خصوصاً هالحين الناس هابة بالرجيم..

أطباق السفرة..

سوي نوعين أو 3 سلطة..

حمص..أو متبل..

سمبوسة..أو سبرنغ رول..أو فلافل..أو توست مفرود ومحشي بعصاج لحم أو دجاج..ومقلي..

أختاري صنف أو إثنين..إذا في صواني..ورز..

وإذا مافي إلا طبق واحد رز..ممكن تسوين 3 أصناف..

طبعاً لا تنسين البطاطس المقلي..

الصواني..
مكرونة باللحم أو الدجاج..بالصلصة الحمرا..
مكرونة باشميل..
فتوتشيني..
لزانيا..
مكرونة لسان العصفور..
صينية لحم بالخضار..أو حتى دجاج بالخضار..

سوي النوع اللي تضبطينه..

الرز..

إذا بتسوي نوعين رز..

ممكن رز أبيض..وتسوي معاه إيدام..أو سمك محشي ومشوي بالفرن..

طبعاً خلي الرز بروحه..واللي يبي يغرف له..مع اللي يبي..
ممكن رز كبسة أو أصفر..
وتسوين معاه لحم محمر بالفرن..

دجاج مقلي..أو حتى مشوي..


الحلويات..

سوي نوعين أو ثلاثة..

أنا اللي أشوفه من عزايمنا..إنهم إذا أكلوا زين..ما يحلون..

وأنا عشان ما يبقى عندي الحلى وأرميه..
أحطه لهم بصحون ياخذونه بيتهم..

وهذي شغله..ويبيلها وقت,.

فصرت أسوي نوعين أو ثلاثة حلى..

أسوي نوع جديد..
ونوع شعبي..

ونوع اللي الكل يسويه..والكل معتاد عليه..

يعني مثلاً..سوي تراميسو..أو شيز كيك..أو غيره وبنات المنتدى ما شاء الله عليهم كل يوم إبداعات جديده..

و كريم كرميل..جلي..بلح الشام..كنافة..بسبوسة..كيك وتسوين فوقة كريمه..

أنا إذا بسوي كيك..

أسوي كيك جاهز..وأقسمه نصين..

نص أخليه أبيض..والثاني أزيد عليه شكولاته..

أخبزهم بصينية وسط..وأفضل اللي للتوست..اللي تجي مستطيل..نحيف شوي..

وبعد ما تبرد زين..أقلبهم..وأقطعم شرابح مثل التوست..

وأسوي أكثر من نوع كريمه..

مثلاً بالفانيلا..والشكولاته..والقهوة..

أخلي كل وحده بروحها..واللي يبي يختار اللي يحب..

وبالصيف أحط أيس كريم..

وحطي شكولاته سائل..مثل الهيرشي..

ولا تنسين الفواكه..




وبس..

هذرتي واجد..

بس إذا سويتي الشي اللي دايم تسويه وتعرفين إن اللي حولك يحبونه ويطلبونه منك..بترتاحين..وما بتكوني متوتره..

جهزي اللي تبيه قبل بيوم..عشان تشوفي وش الناقص..

الحلى جهزيه قبل العزيمة بيوم..أحسن..

الأحسن تخلي الدجاج أو اللحم أو السمك يتبل من الليل..ويوم تجليس الصباح بس تطلعينه وتبتدين تجهزي الباقي..

السلطة سويها أخر شي..

المقبلات..مثل الحمس أو المتبل..ممكن تتسوى قبل بيوم..وتغلفينها وبالثلاجة..

السمبوسة..والسبرنغ رول..لفيها بالليل..وخليها بالثلاجة..يوم ثاني يبقى عليك القلي..

ما أحب أفرزن الأشياء كثير..بس أسويها قبل بيوم..أريح..

عشان يمديني أخلص وأتروش وأروق..وأبخر البيت..

وبكذا تكوني مرتاحه..وما يجون لك ضيوفك والتعب باين عليك..وتحسين إنك تعبانة وتبين ترتاحين..

وحتى لو عندك شغالة..لازم بتتعبين..

قبل بيوم جهزي أمورك..وكشني ولفي..وجهزي الحلى..

يوم ثاني يبقى عليك القلي والسلطات..والرز..




الله يوفقك..وتبيضين الوجه عندهم..

لا تنسين تصورين لنا تجهيزاتك..

في أمان الله..
12-02-1430 هـ, 04:19 مساءً
 


الساعة الآن 01:46 .