مساء الخير على السنعات

بكرة ابو الشباب عازم اخوياه على الفطور في العمل ...ويبيني اصلح له مراصيع ...مراصيعي طعمه حلو وكل شي تمام بس عندي عقده في المراصيع اعاني منها من سنوات ...انها ما تصير لينة مرة ..يعني طرية بس ما تنثني<<<فهمتو علي


واذا خليته رهيفة عشان تصير لينه يبست ..وين المشكلة بالضبط

تكفون ساعدوني وبيضو وجهي الله يبيض وجيهكم
12-02-1430 هـ, 01:57 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
ابشري بعزتس وانا اختس


شوفي فيه كذا طريقه ..


فيه اللى تكون عجينه رخوه اللى هي شبه سايله وتصبينه على الصاج او صينية التيفال .. وهذي تسمى المصابيب


وفيه اللى مثل عجينه المرقوق واعتقد إنه هذي اللى تبينه تصير مثل الخبز المفرود



وإذا عندتس ي استفسار امرررى
12-02-1430 هـ, 02:04 صباحاً
 
اقتباس مشاركة  (دبل-اش)
ابشري بعزتس وانا اختس


شوفي فيه كذا طريقه ..


فيه اللى تكون عجينه رخوه اللى هي شبه سايله وتصبينه على الصاج او صينية التيفال .. وهذي تسمى المصابيب


وفيه اللى مثل عجينه المرقوق واعتقد إنه هذي اللى تبينه تصير مثل الخبز المفرود



وإذا عندتس ي استفسار امرررى
يا لبى قلبتس ...كفو والله

انا اقصد المراصيع العادية دقيق بر/مويه / ملح / زيت / بيض / حليب بودرة

اخلطها مع بعض واصبها بشكل دوائر صغينونة على حديدة تيفال

المشكلة عندي ...(هي ليه ما تنثني معي المراصيع مثل خلق الله )
12-02-1430 هـ, 02:19 صباحاً
 
ياحبيلتس يااخيه انا عجينتي مااحط به غير الطحين البر والماء والملح وشوي حليب بودره ورشة فلفل اسود بس يعطي شوي طعم يم يم


بعدين لاتحطين المريصيعات صغار حطيهن وسط وإذا بتحطين عليهن شوي بصل محموس مع فلفل اخضر يطلعن ياسلاااام

وبالعااافيه ..
12-02-1430 هـ, 02:28 صباحاً
 
هلااا وغلااا اختي ..

شوفي يالغالية .. جيبي بصلة صغيره وقطعيها .. وحطيها في الخلاط وحطي ربع بيالة زيت وشوي ملح وحطيهم بالخلاط مع البصل

واذا انخلطت حطي الطحين في الخلاط الى ماتشوفين الخليط سايل...

وجربيها .. وادعي لأمي ان ربي يشفيها ويخليها لنا يااارب ..

وان شاء الله ابو الشباب يقوول مافيه مثل مراصيعتس يا أم عيالي ....
12-02-1430 هـ, 02:33 صباحاً
 


الساعة الآن 04:10 .