انا اشوف انك غلطتي لمن قلتي اهل الجنوب لانك كذا راح تشدي شعرك من الحيره

لان اهل الجنوب لهم اكثر من طريقه في عمل الخبز وخبزهم يختلف باختلاف المدينه او القريه اللي ينتمون لها

يعني خبز اهل النماص غير خبز اهل الباحه وخبز اهل الباحه يختلف عن خبز اهل ابها وهكذا

لكن عشان توصلي للخبز اللي تبغي قولي جيرانك من اي مكان في الجنوب بالتحديد عشان البنات اللي
ينتمون للمكان هذا يساعدوك في الحصول على الطريقه او الخبزه اللي تبغيها
13-02-1430 هـ, 07:54 مساءً
 
اصادقه اختي ام الوجه السعد


خبزتنا ياالشهاريه تختلف عن خبزت العساريه

بس الطعم واحد

فيه ناس تحبها بلبه يعني عريضه وناس تحبها رقيقه قلفه بس

وانا من النوع الي يحب القلفه


وعيالي يحبوون البه
13-02-1430 هـ, 07:59 مساءً
 
الطريقة الصحيحة زي ما قالو الأخوات مع اختلاف بعض الأمور

سررررررر العجينة هو نوعية الدقيق
خلي زوجك يروح للطاحون ويقول له يطحن دقيق بر ودقيق دبي بنسبة متساوية إذا أنت ماتحبينها بيضاء مرة وإذا تحبين الأبيض أكثر يقلل البر ويوزن لك معها الملح

يعني بإختصاااااار كل إلي عليك حطي طحين وماء وأعجنيها زين مع البقصة لأنه ما راح تتخمر إلا بالبقصه وإذا ما عندك حطي شوي لبن وبكنج بودر واتركيها تتخمر بعدين اخبزيها وكوني حريصة تتركين حجم فنجال الشاي من العجينه تلفينه في كيس وتحطينه الفريزر حتى لو سافرتي ماراح يضرها إذا خمرتي عليها مرة ثانية بالعكس تطلع رووووعة وعليك بالعافية
ملللاااااااحظة /انتبهي من الخميرة لانها تخرب طعم الخبزه مو مثل البقصة خبرة 20 سنة
13-02-1430 هـ, 08:01 مساءً
 
انا بقولك على طريقتي وعايلتنا مشهوره بالخبزه الزينه
المهم الخبزه الجنوبيه نوعين النوع الاول فطير يعني بدون خميره
والثاني خمير يعني لازم خميره
وخلينا عالنوع الثاني لاننا نحبها اكثر وطريقتها كالتالي وطبقيها مثل ما اقولك بالضبط و***** الله يتدعين لي
حطي في زبديه كبيره (والافضل بلاستك ) 4 كاسات دقيق اسمر ولازم يكون النوع ممتاز حنا نشتري غالا دبي وحطي عليها كاستين ابيض ورشي كمية الملح المناسبه وبعدين سوي حفره صغيره في وسط الطحين وحطي شوي سكر مايعادل ملعقه ونص وملعقتين كبيره خميره وحطي عليها شوي مويه دافيه واتركيها دقيقتين
وبعدين ياحلوه جهزي مويه دافيه للعجن وابدائي اعجني حتي تصير العجينه متماسكه وفي نفس الوقت خفيفه يعني بالضبط اثقل من عجينة العريكه بشوي ولاتنسين التخبيط في العجن حتى تتماسك واتركيها تختمر لمدة نصف ساعه وبعدين نجي عند الخطوه المهمه اللي احنا نسميها( تمليك العجين ) يعني تعيدين عجنها بطريقه خفيفه وترجعي تغطي عليها ربع ساعه اضافيه
وفي هذي الاثناء تاخذين اكبر مقاس في صواني التيفال حطيه في الفرن علشان يسخن تمااااااااااااااام وحطي عجينتك في الصينيه وهيه حاره علشان ماتلزق في الصينيه ودخليها الفرن وغطي عليهابصحن الرز وعلى فكره احنا نستخدم اكثر شي الخبازه لانها تضبطها اكثر من الفرن وشغلي من تحت وفوق لمدة ساعه ونص الى ساعتين ولاتشيلين الغطى حتى تستوي
وبالعافيه عليك
13-02-1430 هـ, 11:07 مساءً
 
تسلمووووووووووووووووون كلكم

كل طرقكم اغلبها متشابهه

جعلكم للجنه يارب الله يسخر لكن رجالكن ويصلح عيالكم ويزوج بناتكم ياااارب

من خلال ردودكم اخذت كذا درس مفيييد

كلمة شكرا ماتوفي حقكم يالطيبين

صادقه الي قالت يختلفن الخبزات

انا ذقت حقت اهل النماص غير عن الشهري ساكنين بمنطقه ثانيه والعساريه بعد

بس الاختلاف يجي بالنكهه احيانا ودرجة الاستواء

ماقصرتو يالغاليات رايتكم بيضا وببحث عن البقصه واجربها

وفكرة اني اغطي الصينيه بصحن راحت عن بالي لانها تنشف معي تصير تقل حطبه

وبعجنها ليله كامله وارجع اعجنها

وان شالله اني لااضبطها واذا ماضبطت هالمره بنسى موضوع الخبزه نهائي

على قولت المثل خل الخبز للخباز لو اكل نصه

بستسلم الشكوى لله يمكن بيوم من الايام نشوفه ينباع بالسوبرماركت خبز الجنوب ونشتريه ههههههههههه

والله يجزاكم خير جميعااااااااااااااااااااااااااااااااااااااااااااااا
15-02-1430 هـ, 03:20 صباحاً
 


الساعة الآن 07:27 .