كيفكم اخباركم
جاكم لفاكم ....؟؟
=====================
يا حبيباتي من العيد للحين وانا ما استقريت ببيتي وكل شوي وانا ناطة مكان وارجع للبيت إلا والطماطم المسكينة راحت فيها



قبل اسبوعين بالتمام عبيت ثلاجتي بالطماطم
وبعدها بيومين امي ارسلت لي 3 كيلو طماطم
تخيلوا ما استفدت منها شيء ع طول سافرنا رجعت لبيتي يوم الجمعه اللي فات
جا يوم السبت هذا اللي فات إلا وزوجي يقول لي يللا شلي قشش انتي وعيالش وروحي لأهلش
عندي دورة اسبوع يا حرام جت ع بالي الطماطم ضعيفة الله خلاص اصلا من اول تاركتها اسبوعين واللحين اروح واتركها لااااااااااااااااااااااااااااا ع والله ما اتركها
وطبعاً ما ابغا اعطي احد (يؤ يؤ يؤ هي اغلى الخضار هي الكنز والله ما اتبرع بها)--------------> بخيلة


جلست افكر واحلها واملها براسي قلت لازم استفيد منها


الكمية اللي عندي تقريبا 6 كيلو المهم رحت ع طول ع البصل واطلع لكم حوالي 12 بصلة وراسين ثوم واربع حبات فلفل اخضر حلو و اعواد قرفة ومسكت اكبر قدر عندي
طبعاً فرمت البصل والثوم بالخلاط (مجنونة انا اقعد اقطع كيس بصل)


وحطيتها بالقدر وحوالي كوب او ثلاث ارباع كوب زيت(لا تخافون لازم اكثر الزيت الكمية مو هينه) وولعت ع الناروطبعاً في اثناء ما هي ع النار فرمت الطماطم مع الفلفل تخيلوا المطبخ كله مليان جكات طماطم مفرومة


وقعدت اقلب بالبصل لين حسيت انه تقلقل زين وصبيت الطماطم عليه وحطيت علبه ونص معجون طماطم وقعدت احرك لين غلت شوي حطيت ملح وبهار ووطيت عليها عشان ما تتطير السوائل والكشنة تخرب ورميت عليها كم عود قرفة وبعد حوالي تقريبا 20 دقيقة ضبطت الكشنه وخليتها تبرد تماما ولما بردت شليت اعواد القرفه منها ووزعتها بأكياس وع طول الفريزر ابو الجمايل .....


وفكرت فيها انا اول بغيت افرم الطماطم وافرزنها لكن قلت احسن اكشنها ليه ..... اقول لكم ليه
اذا عندي غدا او عشاء ما اقعد اكشن من جديد وغير كذا تنفع الموظفات واهم من كذا وكذا اذا عندك عزومة ما راح تطلع ريحة الكشنة وتعدم ريحة البيت او قمتي من النوم ولسا ماطبختي وابو الشباب قرب يجي ما تبغين البيت ريحته كشنة وكمان تصلح للبيتزا صح ولا لاً


........... هاه وش رايكم مو فكره جهنميه............


ملاااااااااااااااااااااااااحظة : يابنات الكشنة حاولوا انها ماتقعد في الفريزر اكثر من اسبوعين كحد اقصى لازم تستخدمونها قبل هالمده
13-02-1430 هـ, 10:40 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
الله يعطيك العافيه يارب...
13-02-1430 هـ, 10:59 مساءً
 
مشكوره سلمت
13-02-1430 هـ, 11:04 مساءً
 
جزاك الله ألف خير
13-02-1430 هـ, 11:05 مساءً
 
مشالله عليك................وربنا يعطيك الصحه والعافيه...
13-02-1430 هـ, 11:05 مساءً
 


الساعة الآن 02:34 .