Analysis Services
السلام عليكم ورحمه الله وبركاته

حبيباتى بنات الشرقيه من اطلب منكم انكم تساعدونى ودلونى على اماكن التأثيث الحلوه فى الشرقيه

لانى جالسه بترتيب شقتى وابيها تطلع شى رغم صغر المساحه عندى بس ابيها تطلع حلوه حتى لو كانت صغيره مع الاثاث بتكون حلوه صح ولا انا غلطانه

ابى منكم تدلونى على اسماء محلات مطابخ سرميك غرف نوم كماليات حق بيت تحف وها الشغلات اشياء غريبه وحلوه فى نفس الوقت

ابيكم تدلونى على الاماكن هذه فى الشرقيه بالدمام ولا الخبر

وحتى الاصباخ كيف اصبغها ابيه معتق بس الالوان غير عن البيج والبنى لان الكل صاير يسويه وبكثره ومليت منه صار مايبهرنى
ابى شغلات حلوه ومميزه

ما ابيكم تعطوونى خامس ابى نصيحتكم لى بليز

يعطيكم العافيه مقدما
15-01-1425 هـ, 09:43 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
عليكم السلام والرحمة

حياك الله

بالنسبة للمحلات إن شاء الله بنات الشرقية مايقصرون معك

أما ألوان الدهان

فإيش رأيك باللون الليموني (( الأصفر الفاتح )) معتق بيج ، حلو ويعطي حيوية للمكان

ممكن تستخدمينه لصالة والممرات
15-01-1425 هـ, 11:36 صباحاً
 
بالنسبة للكماليات أو حتى للاثاث روحي سيتي بلازا بالخبر الدور الثاني فيه اشياء روعة و غريبه
و الله يوفقك ،،،
15-01-1425 هـ, 05:41 مساءً
 
لهفة الخاطر

بالنسبه للتحف والشغلات الحلوه لايف ستايل في البحرين روعه
الاثاث روحي الرقيب اثاث حلو والعصفور
وهوم بلازا عند شغلات حلوه

وسلام
16-01-1425 هـ, 12:43 صباحاً
 
يعطيكم العافيه بنات مشكورين وماقصرتوا

همسه انا مقرره ان شاء الله ان يكون اللون مثل ماقلتى وربى يوفقنى ان شاء الله ومشكوره حبيبتى وماقصرتى

شمووووووخ يعيطك الف عافيه وصحيح مثل ماقلتى هوم بلازا عندهم شغلات حلوه


هدهد يعطيك الف عافيه حبيبتى انا رحت لا يف ستايل اللى فى البحرين وانجنيت على اغراضهم مره رووعه وكان مصادف ااسبوع الفلانتاين وكان عنده اشياء رووعه بس ما اخذت شى لانى كنت لسه ماصممت الشقه وان شاء الله اروح عندهم

يعطيكم الف عافيه حبايبى
16-01-1425 هـ, 05:29 صباحاً
 


الساعة الآن 03:50 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏