يارب أكمل

:):)السلام عليكم ورحمة الله وبركاته
هاي حبايبي
أنا أختكم الجديده البنوته الطعمه عاشقة أوفا
بس حبيت أنقل لكم تجربتي مع الدايت
والحمدلله بعد عزيمه وإصرار نولني ربي اللي في بالي
المهم أنا دحين بأسبوعين نزلت 8 كيلو
كنت 99 وأصبحت الآن الحمدلله 91
وحابه تشاركوني وتستفيدوا معاي يارب نستفيد كلنا
المهم أنا أول ما أصحى من النوم أشرب كاسة شاي (شاي أخضر-شاي الرشاقه-ملعقه كمون -ملعقه زنجبيل-نعناع )
وما أكل إلا لمن أحس بالجوع أكل ساندوش عباره عن 2 توست أسمر وجبنه خالية الدسم وممكن أحط نوعين تلاته المهم يكونوا كلهم خاليين أوقليلين الدسم مع كوباية الشاي (نفس الشاي )
وبعده كمان أشرب من كاستين إلى 3 كاسات وأحيان 4 حد ما يجي وقت صلاة العشا أتعشى اللي نفسي فيه بس بعقل وبعده بساعتين كوبايتن من الشاي وطبعا لازم أكثر كمية المويه اللي بشربها خلال النهار وأحيان بشرب عصير بتقال بأي وقت أبي ولا زم منه قبل النوم كاسه عصير مكون من (حبتين كيوي وشريحتين اناناس مع عصير تروبيكانا أناناس)
والحمدلله ماشيه عليه تمام بس من بكره ناويه أمشي على جدول من الرجيمات الكيميائيه أو رجيم التمر واللبن المهم إني ما قررت بكره **** الله راح أنزل جدولي وكم وزني وطولي وراح أوفيكم باللي يصير وراح أوزن نفسي كل 5 أيام وربي يسهل


بليز حبايبي أدعولي وشجعوني والله محتاجه أنحف الله يسعدكم وينحفني وينحفكم على خير يارب




عاشقة أوفا :32: