السلام عليكم ورحمه الله وبركاته ..

اخواتي انا بحاجه لمساعدتكم ..انا مبتدئه في الطبخ ويوميا تبدأ معاناتي عند تجهيز الغداء والسبب الدجاجه وتقطيعه

ا وتنظيفها

المهم مو هذي المشكله ...الموضوع ومافيه انه زوجي جاب لي لحممممممم ...وانا بصراحه ما ادري

وش اسوي فيه .يعني كيف انظفه واغسله وما ادري وش الاصناف اللي اقدر اسويها باللحم


فاتمنى منكم انكم ما تبخلون علي بالمساعده الله يعافيكم ...لانه بكره لازم اسوي الغداء


انا في انتظار ردودكم ...لا تفشلوني قدام زوجي ...
شوفي اختي جيبي اللحم وحطي عليه مويه فقط وحطيه على النار تقريبا عشر دقائق بعدين شوفي راح يطلع منه زيت واشياء ثانيه بعد كذا إغسله وحطي عليه جميع البهارات الي عندك بس لاتكثرين المويه على اللحم بس قد مايتغطي وخليه على النار لحد مايستوي

وتسوين فيه كبسه بالرز اوالمكرونه اوصينية خضار اي شي يخطر في بالك

اتمنى اني افتدك

لاتنسيني من صالح دعائك بالشفاء والزوج الصالح
ياحبيلك
قطعي اللحم بالمقاس اللي انتي تبينه ويناسبكم والكميه الكافيه لك انتي وياه
اغسليها تحت الحنفيه وأطبخيها مع ماء وملح وعودين دارسين وحبتين هيل وشوي كمون
اذا اسنوت اللحمه طلعيها من المرق وحطيلها خلطه من البهارات والصلصه وثوم مفروم وشوي زيت وادهني اللحم ثم حمريه بالفرن
سوي معه رز ابيض
مرقة اللحم ممكن تستفيدين منها كشوربه خصوصا ان اللحم طري
لاتغسلين اللحم ابد
كيسيه باكياس على حسب غداكم كل يوم
لوكنتو شخصين حطي قطعتين متوسطات بكيس واربطيه
الموهيم خلصتي من لحم الغداء
روحي دوري اللحم الي بدون عظم
قطعيه مكعبات خذي ملء الكف وحطيه باكياس لونها مختلف عن الأولى
واللحم الي فيه عظامه كثيره كيسيه وخليه للشوربات

وحطي كل نوع بكيس لحاله وفرزنيهم
نجي للطبخ:
طلعي كيس من لحم الغداء الي ذكرته بالأول
و خلي الثلج يذوب عنه(انا اطلعه قبل انام بالليل يعني)
واذا قمتي حطيه بطاسه واغسليه من الدم
واحمسي بصل ومعجون طماط وبهارات وملح وحطي اللحمه
وقلبيها وزوديها مويه لماتتغطى وخليها نص ساعه الى ساعه الى ربع
بعدين طلعي اللحمه وحطيها بصينيه فرن وادهنيها بمعجون طماط شوي بهارات وكركم
وحمريه بالفرن
ومويه اللحمه اشخليها على الرز الي منقعته من قبل طبخ اللحمه
وزوديها ملح وخليه على نار عاليه لما تشوفين حبه الرز تناقز ووطي النار
واغرفيه وبالعافيه

بالنسبه للحم الصغيرات
سوي فيه مقلقل
بصل وطماط وفلفل اخضر محموسات وحطي عليهم اللحم بعد ذوبان الثلج وغسله
وبهريه وملحيه وقلبيه لمايستوي وزيديه شي مويه
سوي مكرونه..
احمسي البصل مع الطماط وحطي اللحم وبهريه وملحيه وحطي صلصله طماط
واضيفي مويه واذا غلت حطي المكرونه
سوي صينيه خضارباللحم
قطعي بصل وقلبيه بزيت صلصه وحطي فوقه قطع اللحم والخضار(كوسا-بطاطس-جزر)مقطعه طوال
وبهري وملحي وصبيهم بصينيه بايركس
وقصدريهم وحطيهم بالفرن ساعه وذوقي احلى صينيه
وبس تعبت من الكتابه
ولدت وجبت احلى نوره
اب لعيونك


الساعة الآن 10:18 .