شئ غريب لو عادي من يصير له مثلي...مواقفكم اذا ممكن

حبيبتي نفس الشي بالضبط كان يحصل لي لما أشوف موقف وابدأ استنكر وأقول ليش وكيف.

وبعدها صرت بس أدعو إن ربي يكتب لي الخير ويرفع عني البلا.

والحمد لله لما أسوي كذا ما يصيبني شر والحمد لله

صار لي نفس الشئ بس باسماء اولادي

كنت اعرف بنت صايعة جدا وكنت اكره الاسم منها ومرت فترة وجبت بنت وسميتها بنفس الاسم هههههه وبعدين افتكرت

وولدي كان وقتها اسمه انشهر من الجرايد ابوه ماادري امه معذبينه ويقطع القلب والكل وقتها سمي باسمه كنت اقول قلت الاسماء خلاص!! وسبحان الله سميت ولدي بنفس الاسم هههههههه

ياكثر هالمواقف
خذي عندك
كنت اقول كيف تقبل الوحده تتزوج مدخن
وتزوجت مدخن

كنت اقرا بالجرايد (رزق فلان ببنت واتفق وحرمه على تسميتها(اسم امه) )
واقول بنفسي.. ايه هين اتفق وحرمه.. الا اكيد غصب حرمه
وجبت بنت وسميتها على ام زوجي وانا الي اقترحت عليه نسمي عليها

الموضوع مو شماته

حبيبتي هذا شي معروف بعائلتنا اذا انتقدتي شي او ماعجبك واستغربتي من اللي سوته اكيد بيجي عليك يوم ويصير لك مثله
وبتسوين مثل ماسوت وانا مجربه هذا الشي حتى لو كان بداخلي وماتكلمت فيه يصير لي!
الله يعطينا وإياك العافيه ويستر علينا وجميع المسلمين ويرزقك بالذريه السويه الصالحه التي تقر بها العين عاجلا غير آجل
وجزاك الله خير.

احسها تصير معي كثير بس مشكلة مااذكر مواقف الحين..
تفكرين بالشي وعقب تسوينه او تعلقين عليه وتستغربينه وانتي تسوينه او يصير لك
سبحان الله العظيم الواحد مايحس الا لما يجرب..