السلام عليكن ورحمه الله

اخواتي في الله
ممكن
تخبروني كيف تسون القهوة مظبوطه
لان ريلي ما تعجبه قهوتي

يقول وين قهوة اهل السعوديه فا الله يخليكم
احد فيكم يقولي
المقادير ونواع القهوه بظبط بليييييييز طلبتكن

يا نشميات
الوزن الحالي 80
الهدف الاول 77
الهدف الثاني 75
شوفي اختي يعتمد اول شي على نوع القهوه انا اخذ بن الخير هرري درجه اولى خيشتها اخضر مع بيج

بعدين احمصها في المحمصه الخاصه حقت القهوه لمدة ربع ساعه تقريبا او الين يصير لونها اشقر على بني فاتح

تطحنينها بالطاحونه بعدين تحضرين 4 كيسان ماء مغلي ((الكاس حجمه اكبر من كاس الجبن السايل ))
اولا لما تغلي المويه في الابريق الخاص للقهوه ويفضل الاستيل تضيفين فنجال قهوه من البن اللي حمصتيه على المقدار اللي قلت لك عليه من الماء المغلي وتخلينها تغلي على نار هاااااديه لمدة نصف ساعه واذا مستعجله خليها 10 دقايق على نار عاليه بس انتبهي لا تطيش تخرب ترى يعني خلي غطاها مفتوح اذا كنتي مستعجله
ولما تنتهي المده في غلي القهوه سكري النار وخليها شوي بعدين جهزي ترمس القهوه او الدله وحطي بوسطها ملعقه صغيره هيل انا استخدم هيل اسمه(( زينا ))وطرف ملعقه صغيره زعفران وحطي مشخله عشان ما يطيح البن في الترمس وصبي القهوه بشويييييش على الترمس
وخليها 5 دقايق بعدين اشربوها بالعافيه
وان شاء الله تتمتعون باطيب قهوه ولا تنسين تجين تقولين لي النتيجه وان شاء الله تظبط معك
من ترك شيئا لله عوضه الله خيرا منه


جزكي الله خير نسيت اقولج اني من الامارات

تتوقعين القي البن هني عندنا
الوزن الحالي 80
الهدف الاول 77
الهدف الثاني 75
لمعه طريقتك صحيحه بس نصف ساعه كثييير جدا تصير مره علقم هي حدها ربع ساعه بالضبط إنتي جربيها بنصف ساعه ومره ربع ساعه وحتلاحظين الفرق بينهم. فيه نقاط مهمه لازم تراعينهم في حمس القهوه ومو لازم يكون عندك آلة التحميص لو تحمصينهم في قدر واسع مستغنيه عنه ولازم كل حبات البن تتحمر بلون واحد ماتطلع نصفها محمر والثاني ني وإذا غليتي المويه في الابريق وجيتي تضيفين القهوه قصري عالنار لأنها بتطيش إذا صارت مرتفعه وخليها تطبخ وإنتي مغطيه الابريق رع ساعه والباقي زي ماذكرت لمعه. فيه موضوع ل راعية البل لحمس القهوه ممتاز إطلعي عليه لأن طعم القهوه كله واقف على الحمس ومدة الطبخ..
{أستغفر الله العظيم الذي لاإله إلا هو الحي القيوم وأتوب إليه}
[اللهم ماأصبح أو أمسى بي من نعمة أو بأحد من خلقك فمنك وحدك لاشريك لك فلك الحمد ولك الشكر]
القهوه الزينه لازم تكون طازجه يعني لاتاخذينها محموسه جاهزه لازم تحمسينها بالبيت

او على الاقل لما تشترينها خلي نفس المحل يحمسونها لك وسط لاتصير غامقه..

ولاتطحنين الا شوي عشان ماتطول عندك وتروح نكهتها كل مااحتجتي طلعي واطحني ..

اطبخي تقريبا فنجال قهوه على 3 كاسات مويه اتركيها تغلي ربع ساعهالى ثلث ساعه طفي النار اتركيها بس دقيقه تركد ضروري

حطي بالدله بيدك شوي زعفران فتفتيه بين اصابعك وملعقه هيل مطحون ولازم ماتطحنين هيل بكميات كبيره عشان لاتروح نكهته ..

وصبي القهوه فوقه ..شوفي لونها ان شفتيها ثقيله زيدي شوي مويه مغليه طبعا.. وان كانت مضبوطه خلاص ..

ان كان ودك حطي بالدله عود او عودين قرنفل (مسمار) اذا تحبون نكهته انا مااضيفه ..

انا احب القهوه كذا بصراحه على اصولها قهوة شيوخ مااحب زنجبيل وقرفه وكوفي ميت ماادري وشو .. بصراحه مو قهوه ..
الحمدلله ,, ماشاء الله لاقوة إلا بالله




الساعة الآن 05:43 .