وصف المكان دوخلي راسي
بس الحمد لله طريتوا محل حبيبه لاني من كثر ما سمعت عن مصانع عجمان وكثر ما لفيت وصلت لحبيبه ودخلت بعد محل ما اعرف شو اسمه بس الي اتذكره ان ديكور المحل من الداخل خشب ويبيعون فيه ملابس نسائية ورجاليه وفرش وملابس اطفال والبضاعه فيه مسعره الاخت من جميرا هذا المحل الي تقصدينه واذا في محلات ثانيه ممكن توصفيلي الطريج من محل حبيبه وشكرا
06-02-1425 هـ, 10:53 مساءً
 
انتي حبيبة اللي دخلتيه مقابلة محل اسمه ترند وهذا اللي تقصدينة عنده ملابس اطفال ورجال ونساء انزين لفي المحلات كلهم واختاري اللي يعجبك ترى المصناع واضحة الحين مش مثل قبل وانتي يوم وصلت حبيبة معناته وصلتي المنطقة بس يبغيلها لف
07-02-1425 هـ, 08:08 صباحاً
 
ايه صج
أنا يوم قالوا لي مصانع تخيلت المكان آلات ومكاين وعُمال وحدايد
بس طلع محلات
04-07-1425 هـ, 07:23 مساءً
 
انا سرت من فترة وخذت قمصان نوم حلوة وايد للبيت طبعا وخفيفة تناسب جونا الحار وموديلها حلو مثل موديل الصعايدة
05-07-1425 هـ, 10:40 صباحاً
 
حبايبي انا ابغي معلومات عن مصنع رويال للأثاث الي في عجمان يعني موقعه وأسعاره تري بعد بكره بروحه
سمعت عنه كثير وبغي اشتري بعد الأثاث الي يصلح للمداخل ردوا علي الله يخليكم الي عندهم معلومات
ترا انا عارفه اذي رحت وتعنيت وماشتريت شي ريلي بيذبحني وبيقول معنيتنا على الفاضي
06-07-1425 هـ, 09:33 مساءً
 


الساعة الآن 11:59 .