السلام عليكم .....



الحين الكريم برولي .... واللي ما يعرف الكريم برولي هو عبارة عن كسترد مع نكهة ( كسترد يعني أي مركب من صفار بيض وكريمة ) و فوقه سكر أبيض بس محروق حرق خفيف ، و الحرق هو اللي يسوي الطبقة الذهبية و المقرمشه فوق الكسترد ، راح نستخدم حمام مائي في هذي الوصفه برضه بس الفرق إن الحمام المائي هنا ضرووووووري يعني لا أحد يسويه بدون حمام مائي ما ينفع . اللي ما قد جرب الكريم برولي جربوووه تراه زين...


كثير ناس تستخدم الكريم كرميل ( برضه كسترد ) اللي في ظروف !!؟؟ يعععععععععع ، طعمه مقرف أنا كنت أكره الكسترد بأنواعه و أنا صغير والظاهر إن السبب إن أمي كانت تسوي اللي في مظاريف .... . الكسترد موب سهل إلا أسهل شي ممكن يتسوى و ياليت ما ترجعون تستخدمون المظاريف الخايسه و اللي كلها كيماويات و نكهات صناعيه .



****** Creme Brulee ******

المقادير :

كوبين كريمة ( قشطة خفق ) غير طويلة الأجل .

٦ صفارات بيض .

١/٤ كوب سكر

ملعقة صغيرة قشر برتقال مبشور ( دايما إذا جيتي تبشرين برتقال أستخدمي الجزء البرتقالي بس لا تبشرين الجزء الأبيض اللي تحته لأنه مر )

أصبع فانيلا طبيعي ( إن وجد ) أو ملعقتين كبار خلاصة فانيلا ( سائل أسود ) طبعا لو لقيتوا الفانيلا الطبيعي أنصح فيه وبشده .

شفتو كيف المقادير جدا سهلة .......


الطريقة :

سخني الفرن على حرارة ٣٢٥ فهرنهايت أو ١٦٠ مئوي

في قدر صغير حطي الكريمة و الفانيلا و قشر البرتقال على نار هاديه و أول ما تشوفين أن الكريمة بدت تغلي يعني فيه فقاقيع على الأطراف شيليها من النار وخليها على جنب شوي .

بعدين جيبي صفار البيض و السكر و أخلطيهم فيه خفاقة البيض ( موب خلاط كهرب ) إلين ما يبدأ يتغير لونه ويذوب السكر يعني بس شوي ...

صبي شوي من خليط الكريمة ( حوالي ملعقتين ) على البيض ( عشان لو صبيتيه على طول بينسلق البيض ويجيك قطع بيض عشان كذا لازم نرفع حرارة البيض شوي شوي ) و أخلطي زين بعدين صبي الكريمة و أنتي تحركين شوي شوي إلين ما تصبينها كلها .

بعدين جيبي الصحون اللي تبين تقدمين فيها . تقدرين تقدمينها في صحون صغيرة أو فيه صحن كبير زي ما أنا مسوي . وسخني مويه في غلايه المويه عشان الحمام المائي .

جيبي صينية كبيرة وحطي صحون التقديم فيها بعدين أملي صحون التقديم حوالي ٢ سم أو أكثر شوي من الكسترد و بعدين صبي المويه المغليه في الصينية الأم إلين ما توصل المويه لحوالي نصف الصحون اللي جوا .

حطيها في الفرد و أنتبهي لا تدخل مويا في الصحون . بعد حوالي 30 دقيقة أو إلين ام يبدأ الكسترد يجمد .

طلعيه من الحمام المائي و حطيه في الثلاجة ٤ ساعات إلى ييومين يعني يصلح لعزيمة .

الخطوه الأخيرة وهي حرق السكر . طبعا الطريقة المعروفة هي إنك تستخدمين دافور نار وشوي شوي تحرقين السكر . أنصح اللي ما عندها دافور تشري واحد . بس لو ما عندك وش تسوين ؟؟؟؟؟ تشغلين الفرن من فوق على أحر شي وتحطين صينية الفرن على أعلى شي .
الحين كيف تحرقين السكر .... طلعي الكسترد من الثلاجة قبل ما تاكلينه بثلاثين دقيقة تقريبا .. بعدين رشي سكر على الكسترد من فوق يعني تبغين طبقة خفيفة سكر فوق الكسترد . بعدين جيبي الدافور و أحرقي السكر إلين ما يقلب لونه شوي بني موب أسود !! أو لو ما عندك دافور رشي السكر ووزعيه على الصحن بعدين حطي الكسترد في صينية فرن وحطيها في الفرن زي ما ذكرت فوق لمدة ثواني بس إلين ما يقلب السكر ذهبي .....
ملاحظة ( لا تحرقين الكريم برولي إلا قبل التقديم مباشرة )

ملاحظة : تقدرين تزينين الصحن بأنواع توت أو فراولة ...

وبس جدا جدا سهل ......








ممنوع مشاركه الرجال فى هذه الاقسام

الله يعطيك العافيه بالمره شكله مغرري
واااااااااااااااااوو

سهله المقادير مرره!!

وياليت لو عندنا (تورتش) اللي مثل الولاعه ونوجهها على الكريم بولي من فوق اسرع من الفررررن

تسلم يديييييينك,,
السلام عليكم .....

فعلا المقادير جدا سهلة بس ما أدري ليش الناس دايما يستخدمون العلب ؟؟ ما أعتقد عشان أرخص ؟؟؟ بس يمكن يعتقودون إنها أسهل ....


على العموم بخصوص التورش أنا لقيتها في محلات في السعودية و المفروض تكون متوفره و غالبا في محلات بيع أدوات الرحلات .
فعلا الكريم بروليه راائع تسلم الأيادي
بس حبيت أنبهك أختي مايصير ولا كان من خلق النبي عليه السلام ذم الطعام
(يعععععععععع ، طعمه مقرف) تحسيها كبيرة شوية على حااجه ممكن كتيير ناس يتقبلوا طعمها ومو شاااذة بدرجة كبيرة زي الي ياكلوا ديدان او شيي . جزالك الله خير وأتمنى تتقبلي نصيحتي برحاابه .


الساعة الآن 01:58 .