السلام عليكم ورحمة الله

ياهلا والله بونة

عندي لك طريقه ماتخرش الميه ومن غير لحم وان شاالله يطلع ابيض تولعين عليه وتنسييييينه مايحتاج رايح جاي تشيكين عليه

القاعده في الموضوع ان كل كاس جريش له خمسة كاسات سوائل كل مابغيتيه حامض كثري اللبن والزبادي وقللي الماء

اول شي احمسي بصله صغيره مع زبده شوي وشوي زيت ومع كمون فقط وشوي ثوم مفروم
بعد كذا الماء + اللبن واملحيه وان بغيت للطعامه تحطين ماجي ابيض او عادي يفضل ذلك
وتكونين غاسله الجريش اومنقعته كله ماشي
وبعد شوي رز مصري عشان البياض بس انا ما ازيد عن نص كاس لان كذا بيصير ثقيل
لما يغلي حطي الجريش ( اهلي يسمونه الجريش الاماراتي)
وخليه يغلي لمدة ثلاث دقاييق لا يزيد ( انا مدري وش سنع هذه الثلاث بالذات بس هذا تنبيه الوالده الله يجزاها خير)
بعد كذا قصري عليه بالحيل واتركيه اقل شي ثلاث ساعات
طبعا تشيكين عليه كل ساعه
الان نجي للي يسمن اللي مايسمن
اذا بغيتي زبده حطي يطلع رهييييب
وليمون للحموضه
واهرسي وحركي القدر عشان ينهرس
وجهزي البصل والمسمنه وعليكم وابو العيال بالف صحه وعافيه ان شاالله

وسلالالامتكم


اللهم انك عفو كريم تحب العفو فاعفو عنا يا رب
اللهم انا نسألك الجنة وما قرب اليها من قول او فعل او عمل ونعوذ بك من النار وما قرب اليها من قول او فعل او عمل

يمه....تمنيتك تجيني مع الليل
والا تجيني مع صباح البشاير
ياوحشتي لمشاهدك تشتعل حيل
في ناظري جفت جميع العباير
يمه... ترى الدنيا عقب ناظرك ويل
ارجى متى شوفك يبل الضماير
ياريح ثوبك كنه المسك والهيل
هو وين صوتك لاغدا القلب حاير
ياربيييييييييييييييييييييييييية

ياحبيل ذا الوجية الطيبة

سنافيات الله لايخليني

صراحة طبخاتكم وطريقتكم خلتي ودي أذوقة

المزيووووووووووونة منى

أم فهودي

غيمة أمل << تراني أنتظر طريقتك

نرجس

عبير نجد

حبايب قلبي... جعل ربي يسلم هاليديات عن النار

ويجزاكم كل خير عن كل حرف كتبتوة ويسعدكم دنيا وآخرة

حبايب قلبي طريقتكم مثل طريقتي في بعض الأشياء..

بس مشكلتي مايطلع أبيض رغم تجربتي لكذا نوع..

ومايجي مايع أبي حبة الجريش ماتبين أبد..بس يكون متماسك..

والله ودي أزبطة علشان أبرد خاطر زوجي بة..

بس عجزت ولا أدري وشلون أوصل لرغبتة..

بجرب طرقكم وإن شاءالله تزبط معي..

الله يحرمكم عن النار ويجمعني بكم في الجنة.

لاخــــــــلا ولا عـــــــــــــــدم
من تتبع عورات الناس تتبع الله عوراته!
كل من تابعني مراقبة ولقافة كانت دوماً دعوتي
((اللهم أشغله في نفسه!))
ونــــــــــــــــــةخفــــــــــــــــــــووق
هلا بالطيب الغالي عزيز وشوفته منوه

دخلت لاجل اسلم وبس وحشــــــــــــــــــــــــــتني
لانا الاخوات ماقصرن كفناوفنا
اقعد واشب النار واذكر وليفي وبحجة الدخان ابكي على كيفي

اللهم اغفر لوالدي وارحمه واجعل الجنه مثواة امين
ونة خفووق

الله يعينك

شوفي اتوقع العيب من طريقة القلب

أذا جيتي تقلبينه كثري قلبه وحطي عليه قشطه تبيضه ويتماسك معها أكثر

وبعد لاتحطين الكمون وهو لسا ماقلب حتى مايتكتل اللبن أنتظري لحد مايبدأ يقلب بعدين حطي كمون شوي

واللبن =========>> ما احبه بلبن جربتي الحليب

وعلى فكره فيه في السوق جهاز يقلبك الجريش بدقيقه ويطلع ماتعرفين أمه من أبوه
كأنه أصلا مو حب

ان شاء الله استفدتي مني
هلا وغلى
انا ماعندي............. مقادير اكب كب من زود الطفاقه

بس عندي اكتفاش على قولة البزران..اكتشافي هو خلاط الكيك المضرب اذا خلصت ضربته فيه وازيد مويه يطلع ياسلام ولا من شاف ولا من دري خصوصاً العجز لايدرون بسالفة الخلاط ولا ترى تطيحين من عيونهم


الساعة الآن 01:45 .