السلام عليكم ورحمة الله وبركاته
اختى الكريمة ......انصحك نصيحة جدا رائعة .. المصارين لابد وان تقطعيها وحدات 20سم ثم تقلبيهابأن تضعيها تحت الماء وانتى تمسكين بحرفها ليدخل الماء بها مع قلبها وتحكيها بالسكين حتى تنزع عنها المادة اللزجة ...ثم بعد ذلك تغسليها بالخل .. ثم تغسليها بالدقيق .. واشطفيها جيدا ثم عاودى قلبها .. وبالشكل ده تكونى ضمنتى نظافتها ميه ميه ..
بعد ذلك تكونى مجهزة خلطة للحشو عبارة عن أرز مغسول وشبت ومقدونس وكسبرة وطماطم معصورة وبصل مبشور وملح وفلفل اسود وقرفة وقليل من الزيت ..ثم تحشى المصارين بهذه الخلطة بس لاتحشيها كثير حتى لاينفجر اثناء السلق ..وتكونى مجهزة ماء مغلى به بصلة ومستكة وحبهان وورق لورو ..وتضعيها نصف ساعة على النار حتى يتم السواء ..ثم تحمريها بالزيت الساخن ..ورشى عليها بعد ذلك الملح والفلفل.. وبالهنا والشفا . وهذه طريقة مصرية .
لاتنسينى من صالح الدعاء.
19-02-1430 هـ, 01:00 مساءً
 
شموخ بدوية@
يمكن عادتهم تختلف
الوجه الحسن
مشكورة على الطريقه المصريه الحلوة
19-02-1430 هـ, 02:35 مساءً
 
حبيبتى تنضيف الامعاء المصارين والكرشة المصارين اللى هى االممبار عندنافى مصر يقطع اطول من كفة ايدك شوية ثم يقلب كل واحد على حدة وتجيبى طبق غسيل الخضار وحطى علية القطاعة وخدى اربعة اربعة علشان تخلصى وابدئى اكشطى بالسكين نسيت اقوللك المصارين حطيلها زجاجة خل حتبوش الوسخ اللى جوة بعد القلب وتساعدك فى القشط حطى المصارين فى الطبق تحت وخى اربعة اربعة واكشط وبعدين خدى واحدة واحدة واكشط للتاكد من النظافة لغاية ماتبقى بيضاء حتى نهاية الكمية وياريت جد يساعدك المصران يتنضف كدة سواء ممبار او للف الكرشة فى الصعيد بيقولواعليها لواية او لواوى تقريباوالكرشة تقشط بعد وضع الخل لمدة 5او 10 دقايق حتى تصير بيضاء نظيفة وتقطع وبعد ماتحلصى تنظيف الممبار وشطفة يعاد قلبة مرة اخرى ويكيس للاستخدام اذا ما قدرتيش انهاردة تكملى حطى الممبار المنقوع فى الخل لبكرة فى الفرزير وكملى بكرة وخلصى الكرشة الخل مش حياثر على طعم الحاجة دى وربنا يعينك
19-02-1430 هـ, 06:02 مساءً
 
صليت المغرب وجيت اكمللك خدى باللك الجاجات دى بتفسد بسرعة فايدة الخل غير المساعدة فى التنظيف انها على مااعتقد بتقتل على قدر الامكان الميكروبات والبكتريا الموجودة فى المكان دة و**** اعلم المهم المصارىن الرفيعة تلفى بيها كل واحدة كرشة وتربطى علشان ماتتفكش فى الطهى الامعاء الغليظة للممبار بعد التنظيف من الداخل يعاد قلبة ويكيس للاستخام وعلى طول على الفريزر وانا باعمل الممبار على طول لكن الكرشة ماعملتهاش قبل كدة ممكن اقوللك ازاى بيعملوها فالصعيد ممكن انتوا بتعملوها احسن
19-02-1430 هـ, 06:38 مساءً
 
مهاجرة مصرية

الله يعطيك العافيه
انا سويت طريقة الاخت طوارى وعزوف
مشكورين
21-02-1430 هـ, 07:02 مساءً
 


الساعة الآن 04:59 .