امي باذن الله جايه بعد كم يوم من منطقه بعيده ونفسي اطبخ لها مفطح وابغى منكم الله لايهينكم طريقه المندي بالتفصيل يعني حاجه تبيض الوجه ولكم مني جزيل الشكر

اقتباس مشاركة
احنا ما ناكل رز دايما .. ولا الاكلات الخليجيه عموما ..

بس هالمندي ينافس اقوى مطاعم المندي ..

او مثل ما يسمونه أهلي .. مندي العيد او غدا العيد

.:. .:. .:. .:. .:.
والمقادير تعتمد هنا على عدد الاشخاص

يعني بالنسبه لنا .. تقريبا 7 اشخاص
.:. .:. .:. .:. .:.

نقطع دجاجه ونصف ... الى قطع متوسطه .. يطلع معانا حوالي 12 قطعه او 13

نتبلها بملح و فلفل ابيض و سماق و بهارات دجاج .. وشوي خل .. ونتركها حوالي ساعتين

ووقتها نكون نقعنا رز بسمتي ابيض في مويه .. حوالي كاسين رز

نضع زيت في قدر .. و صيروا كريمين شوي لا تحطون نقطه بس ..

خلوا كميه تغطي قاع القدر بمقدار اصبعين

نسخن الزيت ونقلي فيه كميه كبيره من البصل المفروم .. يعني حوالي 3 بصلات كبيره

<< تقول 3 بصلات واجد اعرف ناس يحطون 7 بصلات .. بس 3 كثير و زياده بالنسبه لي

بعد ما يذبل البصل .. لا تخلونه يتحمر .. بس يذبل .. اضيفوا له ثوم شوي يعني فصين ثوم مفروم

و مكعب ماجي ..

اضيفوا قطع الدجاج للقدر .. وقلبوها لحد ما تتحمر من جميع الجهات على نار عاليه

بس عشان تكتسب اللون ..

و خففوا النار و غطوا القدر .. عشان تنزل موية الدجاج و يستوي الدجاج فيها ..

لا تضيفون اي مويه .. لان الدجاج لحاله بيطلع مويته ويستوي فيها ..

وبكذا تتركز النكهه اكثر .. و قلبوه كل شوي .. وانتبهوا لا يحترق

على ما يستوي الدجاج ..

نضع قدر الرز البسمتي على النار العاليه مع الملح و قليل جدا من الزيت ..

و يغطيه الماي بحوالي 5 او 6 اصابع .. وهاي طبعا يعتمد على نوع الرز عندكم

في انواع رز تحتاج مويه اكثر من الرز بحوالي اصبعين بس وفيه انواع تحتاج اكثر من 6 اصابع

انتبهوا لا تكثرون مويه ويتعجن الرز او تقللون المويه ومايستوي الرز

لمن تظهر الفقاعات في الرز .. نخفف النار .. ونضع تنكه من المعدن تحت القدر عشان ياخذ راحته في الطبخ

نضيف هنا جزره مبشوره .. بهارات صحيحه .. 2 هيل .. 2 عود دارسين .. 2 مسمار او قرنفل

و قرنين فلفل أخضر حار .. مشقوق شوي بالسكين

و اخلطوه زين عشان يتوزع الجزر مع الرز وما يتكتل في جهه وحده

و سكروا القدر و خلوه يستوي على النار الهاديه

بعدين لمن يستوي الرز و الدجاج .. نضع في كل قدر منهم .. فنجان فيه زيت ..

ونضع في الزيت جمر او فحم مولع و مستوي .. و نغطي القدر مباشره عشان يتشبع الرز والدجاج بنكهة الفحم

مع ملاحظة اني للحين انا ما خلطت الرز مع الدجاج .. كل واحد في قدر لحاله ..

بعدين .. أقدم الرز والدجاج و ازينه بالطريقه اللي احبها .. حتى البصل اللي في قدر الدجاج احطه

له طعم مميز .. ولونه بيكون بني فاتح مثل الكرميل
وهذ رابط آخر http://forum.hawaaworld.com/showthread.php?t=902974

أتمنى أكون فدتك بشئ
للرفع


الساعة الآن 12:00 .