طلب فزعه من أخوي ولاتفشلوني قبل فتره جاه مبلغ من المال وجاته نصيحه أنه يشتري شاحنه صغيره نوعها دينا ويشغل فيها عامل بيع بر سيم وسوى المشروع بس المشكله أنه العامل بالشهر يجيب له الف ريال يقول مافيه سوق
تكفون أي نصيحه تفيد أخوي قولوها
وكيف يضمن أن العامل مثلا مايكذب عليه
مع العلم أن الاتفاق على أن الربح يكون النص بالنص

حسبي الله ونعم الوكيل
يالغاليه يتابعه يومي
ويشوف انا مااعرف للسيارات عدل لكن يشوف كم مشت السياره
ويتاكد
ومعروف نصب العماله
ويحاول يبدل العامل بغيره مدة شهر لو طلع نفس المبلغ ممكن يرجع الاول
هذا اذا كان مو على كفالتكم

والله يعينكم
اللهم اغفر لي وارحمني اللهم اغفر لوالداي واجعل الفردوس الاعلى منزلهما ووالديهم ومن يحبون ... استغفرالله الحي القيوم ... سبحان الله وبحمده ..... سبحان الله العظيم ...... الحمدلله .....الله اكبر ...... لاحول ولاقوة الا بالله ...... لااله الا انت سبحانك اني كنت من الظالمين ........... دعواتكم في ظهر الغيب هو مااااحتاجه
لاز م تنقلوا العامل على كفالتكم واللي اسمع انه الدينا تدخل للناس مبالغ حلوه
يمكن العامل يسرق بعض الفلوس وللاسف العماله غالبا مايكونوا امناء
اذا اخوك يبي يضمن ربح يقول للعامل ابي منك مبلغ شهري مثلا 2500 والباقي لك وانت وشطارتك وبكذا راح يجتهد واهم شي يكون اخوك كفيله
نصاب يلعب على اخوك ربح العامل يمكن في اليوم الف خليه يقوله بياخذ الدينا بيعطيها واحد يطلع ربح كويس يمكن يتعدل
اقتباس مشاركة  (الغيورة2008)
يمكن العامل يسرق بعض الفلوس وللاسف العماله غالبا مايكونوا امناء
اذا اخوك يبي يضمن ربح يقول للعامل ابي منك مبلغ شهري مثلا 2500 والباقي لك وانت وشطارتك وبكذا راح يجتهد واهم شي يكون اخوك كفيله



الساعة الآن 09:54 .