ياسلام اشتهيتها ......... البنات ماقصروا الله يعطيهم العافيه
وااااااااااااا او كل الطرق اللى البنات قالوها حلوة
أنا أقول لك بالنسبة للتونة سويها للمكرونة بالباشميل بدل اللحمة صدقيني تطلع روعة المكرونة
قطعي حبتين بصل صغير وحمريه مع شوية زيت عالنار لما يبدا يتحمر حطي عليه شوية ثوم مطحون
وبعدين حطي 3علب تونة طبعا الكبيرة ولاتنسي تصفيها من الزيت واهرسيها بالملعقة وانتي تقلبيها مع البصل فتتيها مرة وبعدين اضيفي لها حبتين
طماطم وسط وتكون مطحونة وحبتين جزر مبشورة وحبة فلفل رومي مقطع صغير وملعقتين كبيرة صلصة وبهارات وحبة ماجي وبعدين ذوقي ملحها اذا ماناسبك حطي ملح زيادة وانا كمان احط ملعقة صغيرة قرفة مطحونة
وقلبيها مزبوط عالنار وغطيها شوية لما تتسبك ولاتنسي قلبيها كل شوية عشان ماتنحرق واطفي عليها النار
وتكوني مجهزة مكرونة اي شكل تحبيه وسالقتها مع شوية ملح وزيت وتصفيها وتغسليها بموية من الحنفية وترجعيها في نفس القدر اللي سلقتيها فيهبعد ماتصفيها
ونجي للباشميل تحطي مقدار من الزيت وتحطي عليه كاستين صغيرة حق الجبنة دقيق و8 ملاعق حليب وتحركيها بالمضرب مع بعض
وتحطي علبة قشطة وحبتين ماجي وتضيفي موية لحد ماتحسي انها لاهي خفيفة مرة ولاهي ثقيلة وتحطي القدر عالنار طبعا تحركيها بالمضرب عشان ماتتكتل ومع الحرارة تبدأ تثقل لاتوقفي تحريك انتبهي عشان تطلع مزبوطة خليها عالنار مع التحريك لين تحسي قوامها مناسب لك انا احبها ثقيلة شوية واذا شفتيها خفيفة زيدي دقيق وانتي تحركي من دون توقف
بعدين كبي منها شوية عالمكرونة وقلبيها وحطي طبقة من المكرونة في الصينية وساويها بالملعقة وحطي فوقها التونة اهم شي تكون التونة ناشفة مافيها موية ووزعيها تمام حتى الاطراف حطي فيها وفوقها حطي طبقة ثانية مكرونة ورشي عليها باشميل وساويه بالملعقة وقصقصي زبدة قطع صغيرة ووزعيها عالحواف وارمي قطعتين صغار في النص واذا تحبي غطي الوجه بالبقسماط يعطيها طعم خيااااااااااال ودخليها الفرن من تحت نص ساعة وبعدين شقريها من فوق واذا ماتحبي البقسماط ممكن تحطي جبنة وممكن تخليها بدون حسب ماتحبي

وصحتين وعافية على قلبك

واعذريني عالاطالة
اعطيكي طريقة باشميل خطييييييييييييي رة مرررررررررة طعمه تتلحس لوحدها من لذتها
جيبي لتر حليب يعني اربع اكواب خليه على النار بعدين حطي عليه تقريبا 4 ملاعق دقيق مليانة واخفقيه كويسة وحطي حبة بيضا و3 ملاعق جبن كاسات و فلفل اسود وملح وعلبتين قشطة و ملعقة سمن وذوقيها وافضلي قلبي لحد ماتثقل واطفيها
راااااااااااااا اائعة حاتاكيلها لوحدها
[IMG/][/IMG]
مشكوررررررررررر ررررررررررره روعه


الساعة الآن 09:58 .