تعالوا هنا يابنات(شغل نظيف وسعر معقول)

مرحبا بالانيقات..

حبيت انزل الموضوع هذا بعد ماداخ راسي اليوم من كثر اللفلفه على الخياطات..

مريت اكثر من خياطه عشان اشوف اسعارهم لاني ابي اسوي فستان سهره..

والصدمه انهم مايتكلمون بأقل من 5500 اذا بيجيبون لك القماش..

و2500 اذا بتجيبين انتي القماش..

وش هالاستغلال ياعالم؟؟!!

يعني معقوله القماش بيكلفك 3000 ريال اذا هم جابوه لك؟!..

ومن المعروف ان كل الخياطات بالرياض مايجيبون اقمشتهم

الا من شارع الخزان..واللي بتخلص لك مرررررررررره وبتشتري نوعيه كويسه ماراح يصير اكثر من 1000 ريال

يعني هي بتاخذ 2000 ريال حق البنزين وحق طلعتها!! هل هذا يعقل؟؟


لذلك ياعزيزاتي ياليت نخلي الموضوع هذا مرجع لنا عن الخياطات الكويسات بالرياض واللي اسعارهم معقوله..

كل وحده تحكي لنا عن المشغل اللي تتعامل معاه وعن اسعارهم ..

يالله يابنات همتكم حتى نفيد بعض ونحصل على شغل نظيف وبسعر معقوووول..