ياقيصريات ابي تجاربكم ...

الحمل والإنجاب

السلام عليكم ورحمة الله وبركاته

كيفكم ياقيصريات ؟؟
انا في الاسبوع 37 واليوم كان عندي موعد والدكتوره شافت الجنين بالسونار ومع الاسف مازال البيبي راسه فووق طبعا هذا وضعه من البدايه وكل اسبوع اقول بينقلب لكن شكله عنيد ..

المهم دكتورتي قالت لي لك فرصه ليوم الخميس الجاي اذا ماتعدل خلاص بنقرر قيصري يوم السبت 28/2/2009
الا في حاله اني اوقع على مسؤليتي واتحمل الولاده المقعديه وطبعا انا رفضت ..!

والله يكتب الي فيه الخير ..
بس انا عندي كم سؤال للقيصريات ..

اول شي بسألكم بالنسبه للتخدير ايهم افضل الكلي والا النصفي ؟؟

وبالنسبه للخياطه وش افضل نوع للخياطه وهل انا الي اختارها والا الدكتوره هي الي تحدد؟؟

وبعد العمليه القيصريه كم اجلس يوم بالمستشفى ؟؟ ( مع العلم اني راح اولد بدله ودكتورتي هي هدى الاماراتيه )

وكيف راح يكون وضعي بالاسبوع الاول بعد العمليه هل بقدر امشي عاادي؟؟

وبالنسبه للكرش هل اقدر اربطه بعد العمليه والا لا؟؟ومتى يبدا يخف البطن ؟؟

ادري طولت عليكم وكثرت اسئله بس انا بكريه وماعندي اي خبره والي حواليني كلهم ولادتهم طبيعي وبصراحه خاايفه وحاابه احد يطمني ..

واخر شي اتمنى تدعون لي بان ربي يكتب لي الي فيه الخير ..
46
3K

يلزم عليك تسجيل الدخول أولًا لكتابة تعليق.

تسجيل دخول

atheer1234
atheer1234
جيتي على الجرح أنا نفس حالتك و عندي نفس أسئلتك .
حبيت أسألك عن هدى كويسه و إلا لا؟
و هل إذا ولدوك في الموعد المقرر يحتاج الطفل لحضانه و إلا يمكن يعيش بدونها ؟و كم يكون لك أسبوع و قت العمليه ؟
الخيرقادم
الخيرقادم
جلناار
جلناار
هلا بك اثير بالنسبه لهدى انا ثاني مره ادخل عليها اليوم لاني كنت اراجع بالدمام
وبصراحه احس انها فاهمه وتريح المريض
اما بالنسبه لي وقت العمليه ان ربي ماييسر لي الطبيعي راح اكون تقريبا على نهاية الاسبوع 38 والجنين ان شاء الله ماراح يحتاج حاضنه
والله يكتب لي ولك الخير ..
الخيرقادم
الخيرقادم
نسيت ربط الكرش ..لالالالالالالالالالالالالالا ماينفع لاتربطينه والله يعينك بعد 6 شهور على الرياضه والرجيم
جلناار
جلناار
الخير قادم الله يرزقك ماتتمنين ياااارب