السلام عليكم خوااااااتي
من زمان ما نزلت مواضيع
(ولأنها بتشرف ان شاء الله قريب ومجهزة لها اللازم )
وزي ما استفدت من تجااااااااربكم ( الله لا يحرمني منكن )
مسويه جدول وحاااابه تستفيدون منه
طبعا هذا بالنسبه لي ربة بيت و شقتي صغيره + كل وحده لها طريقتها بالتظيف لكن
انا كتبت طريقتي انا وكل وحده تقدر تمسح وتكتب طريقتها بامكان الي تحب بالجدول
واهم من هذا طريقتي الجديده في التعامل مع الشغاله
1- راح انسخ الجدول بالعربي واترجمه بالأندنوسي ( الله يسلم لنا ترجمة قوقل )
والصقه عندها بغرفتها بعد ما اشرحه لها .
2- راح انسخ لها طريقة كل شغل نفس الموجود بالجدول والصقة لها بالمكان تبعه يعني
عندنا بالجدول – تنظيف ادراج المطبخ وترتيبها + سلة الصحون + المكيرويف من الداخل والخارج
راح اكتب لها طريقة تنظيف الأدراج وطريقة ترتيبها ، وطريقة تنظيف السله وطريقة تنظيف الميكرويف راح اكتبها بالعربي واللأندنوسي ، كمرجع لها وقت ما تنسى تحصله قدامها .وان شاء الله افك نفسي من وجع الراس وكثر الكلام .
وراح اكتب لها اني راااح اشرف ع شغلة بشكل يومي ولي ما تنظفه عدل راح ترجع تنظفه مره ثانيه وثالثة لين تظبطه
طبعا هذا بعد ما اعلمها انا الطريقه الي تنظف فيها وما اعتمد ع خلفيتها السابقه وافهمها ها الشي ان كل عائله لها طريقتها .
جدول ترتيب للخادمه وللك التغير فيه حسب حاجتك
التنظيف اليومي
1 – غسيل الحمامات
طريقة الغسيل ، كل يوم بالماء والصابون ، تغريغ سلة المهملات ، ترتيب الأدوات .
2- كنس الصاله ومسح السيراميك ، غرفة الألعاب ، الممرات .
3 – مسح الغبار بشكل عام في البيت ، يوم ورى يوم .
4 – تنظيف المطبخ وغسل الصحون وترتيبه ومسح الأرضيه .
5 – تمسيح الفرن بعد الغداء والعشاء .
6 – ترتيب المكتبات وتمسيحها .
7 – افراغ سلال المهملات .
التنظيف الأسبوعي
1 – غسيل الحمامات بالماء والصابون والكلوركس وترتيبه وتظيف الجدران وما تحت اللمغسله .
2 – غسل سلال المهملات بالماء والصابون والكلوركس .
( يوم السبت )
3 – مسح دروج المطبخ من الخارج .
3 – تنظيف الثلاجه من الداخل والخارج وترتيبها . مع الفريزر .
( يوم الأحد )
4 – تفريغ المكنسة الكهربائيه .
5 – تنظيف الفرن تظيف عميق من الداخل والخارج .
( يوم الأثنين )
6- كنس التهويه وتنظيفها .
7 – تنظيف درج الجزم .
(يوم الثلاثاء )
9 – غسل الملابس يوم والكوي اليوم الثاني وهكذا .
10 – غسل ارضية المطبخ .
( يوم الأربعاء )
الخميس والجمعه ترتب وتنظف بشكل عام
وتلف ورق عنب وقت الفراغ ومعجنات لتثليج
التظيف الشهري
1 - – تمسيح السلم والدرابزين بالصابون والكلوركس . ( وانا افضل بخاخ استرس لإزالة الدهون ) مره ممتاز للتمسيح الجدران والأسطح المتسخه .
2 – مسح الأبواب والجدران .
3 – ازالة كنب الصاله والسجاد وتنظيف ما تحته .
4 – تنظيف ادراج المطبخ وترتيبها + سلة الصحون + المكيرويف من الداخل والخارج .
5- تنظيف الشبابيك والمراوح ومراوح الشفط والمكيفات .
6 – تظيف غسالة الملابس من الترسبات من الداخل والخارج .
طبعا ملاحظين مافي الجدول طبخ
الطبخ ورعاية الأطفال علي ، ولكي اترك لها فرصة تقوم بواجباتها كامله
لكن سأقوم بتعليمها وذلك للظروره او وقت الحاااااجه .
دعواتكم لي الله يسهل لنا انحصل بيت العمرررررررررررررر ويسر امووورنااااااااا
حلوك @hlok
محررة
يلزم عليك تسجيل الدخول أولًا لكتابة تعليق.
عروبـــــه
•
حلو ماشاء الله اعجبتني فكرة الترجمه بالتوفيق
الصفحة الأخيرة