وعليكم السلام ورحمه الله وبركاته


بالعافيه يا نغم الورد ...خووووش غدا ..

تسلم ايدج ...

ويا ليت تحطين طريقه مكرونه الجبن واللحم المفروم بالمسالا ..

والسلطه العاديه بعد لا تنسين ! شكلها مشهي شنو تحطين فيها وشنو تتبيلتك ؟!

هلا وغلا

بإختنا الغالية زهرة النوير

السموحة انا ما حطيت المقادير لاني قلت اكيد شئ مش جديد

بس بما انج طلبتي مني من عيوني احط لج المقادير والطريقة

نبدأ باسم الله :

مكونات مكرونة الجبن :

1 - كيس مكرونة ( اي شكل اللي تحبينه انا افضل اللي لولبية او علي شكل اصابع )
2 - ملعقتين ميونيز + ملعقتين جبن كرفت +مقدار من جبن الموزاريلا + رشة فلفل اسود + ملح +ملعقتين قشطة
+ جبن شيدر مبشور + ملعقة اوريغانو ( مجفف ينحط مع البيتزا ) + حبه ماجي ( اختياري )

3 - بصلةمفرومة + فص ثوم

الطريقة :

1 - نسلق المكرونة في ماء وشوية زيت عشان ما تلزق في بعض .وبعد ما تستوي نحطها في المشخلة

ونصب عليها شوي ماي عادي مش بارد عشان ما تلزق وقت ما ينشف عنها الماي .

2 - نحمس البصل مع الثوم المفروم + حبة الماجي .

3 - نحط عليه المكرونة ,نبدأ نضيف القشطة + المايونيز + جبنة الشيدر المبشورة + جبنة الموزاريلا+

جبنة الكرفت ونتبل بالفلفل الاسود ونخلطهم مع بعض وفي الاخير نضيف رشة من الاوريغانو

عشان يمتزج مع طعم الاجبان .

4 - نحطة في صينية بايركس ونرشه الوجه بقليل من الجبن المبشور ( يفضل الموزاريلا وشوية اوريغانوا )

ويدخل في الفرن شوي بس يحمر الوجه نطلعة ويقطع يطلع متماسك شوي اذا خليتيه في الفرن زيادة .

سريع وما ياخذ وقت .


***************************


اما طريقة اللحم المفروم بالماسالا


المقادير :

1 - كميةمن اللحم المفروم ( بصراحة اذا ما عندي فرش استخدم التعاون الاسلامي )

2 - بصل مقطع قطع صغيرة + ثوم مفروم + بقدونس او كزبره مفرومة + فاصوليا

وبهارات ( فلفل اسود + ملح + كزبرة مطحونة + زنجبيل مطحون + ملعقةمن بهارات الماسالا الجاهزة )+

حبه طماطم مفرومة .

الطريقة :

نحمس البصل والثوم ثم نضيف عليه اللحم المفروم طبعا بعد غسلة جيدا ثم نضيف البهارات

والفاصوليا والطماطم واخر شئ اضيف الكزبرة والبقدونس .واذا حبيتي ضيفي شويه صلصل

وبالعافية .


***************************


مقادير السلطة :

كالمعتاد : خس + خيار + طماطم + فلفل رومي اخضر وملون اذا وجد .

نقطعهم صغار او وسط علي حسب الاختيار

ونتبلهم بشوي خل ابيض + شوية ليمون + رشة ملح + صلصة حامضة بيضا ( ماركة قودي )

خاصة بالسلطة طعمها يعطي تغيير شوي عن الطعم المعتاد .

وسلامتج يا اخت زهرة النوير
بالعافيه عليكم يا قمر بس ياريت طريقة المكرونه
يسلموووووا..ماشا ء الله ..


الساعة الآن 09:53 .