مرحبا صبايا

إزا إنتو بتحبو المأكولات البحريه إن شاء الله رح تعجبكم المشاوي وبالنسبة للشوربه أخدت طريقتها من صديقتي عن جد طعمها بعئد وغريب بتمنى تجربوها المهم

بتحتاجي للمشاوي سمك وروبيان وللشوربة سمك وروبيان و سلطعون وإزا كان عندك حبار بتطلع روعه



طريقة المشاوي:

نتبل الروبيان والسمك فيليه بالتتبيله التاليه ( ملح وفلفل أسود و كمون و خل وليمون زيت زيتون وكاري) ونخليه بالتبيله ساعتين بالتلاجه



بعديها نشك الروبيان بأسياخ الخشب ونشك معهم بصل وفليفله خضرا مقطعه مكعبات وسط



هلئ بنكون دهنا المشواية بالزيت وسخناها ونحط فوقيها السمك ونقلبه ليستوي



يتبع....................

وبعد ما يستوا السمك بنحط الروبيان لحد ما ونفس الشي نقلبه ليستوي



طريقة للشوربة:

نفرم حبتين بصل ناعم وحبتين بطاطا وحبتين جزر وحبة فليفله(فلفل حلو) كلو ناعم هيك تقريبا



نقطع هلئ الروبيان إزا كان كبير بس إزا كان صغير حطيه متل ما هو أنا اللي كان عندي كبير لإني استخدمتوا للمشاوي أنا قطعت تقريبا 5 حبات



نقطع حبة سمك فيلية



يتبع............
هلئ نيجي للكراب أو السطلعون بغلب شوي بس طعمتو بتستاهل شيلي الطرف الداخلي



بعديها شيلي الراس وإقصميه بالنص



وإزا كان عندك كاليماري أو حبار نضفيه وقطعيه دوائر أنا ما كان عندي

هلئ نحوس البصل مع 3 م ك زيت لحد ما يدبل



بعديها نضيف الجزر والفليفله والبطاطا



بعديها بخمس دقايق نضيف كاسة مي سخنه عليهم ونخليهم شوي



حطي هلئ السمك والروبيان والسطلعون عليهم وسكري الطنجره على نار خفيفه



يتبع..........
هلئ نحضر الكريما وهي عباره عن حليب لتر تقريبا نحط معو كاسة طحين مع تلات معالق كبار نشا مع تلات معالق صغار مسحوق الكاستر مع مكعب ماجي و ملح مع 2 كاسة مي وإخلطيهم على النار مع التحريك المستمر ليغلي الخليط (ما تخافو من الكسترطعمو روعه )



بعديها نضيف الكريما على السمك والروبيان والسطلعون ونخلطعم بمعلقه خشب مع بعض بس لاتحركوا كتير وخليهم عشر دقايق على نار خفيفه



وهادي السفره لما خلصت حطيت مع المشاوي صوص ثاوسند ايلاند وإن شاء الله تكون عجبتكم ومش ضروري شكر دعوه حلوه بتكفيني


ماشاء الله تبارك الله تسلم الايادي يا الغاليه


لا اله الا الله محمد رسول الله ""سبحان الله وبحمده سبحان ربي العظيم


الساعة الآن 08:07 .