السلام عليكم و رحمة الله و بركاته

اليوم عملت وربات بالقشطة و حبيت اشاركم بالطريقة

المكونات:

قشطة تحضر قبل بوقت مشان تبرد
وهي عبارة عن كاسة حليب باردة تخلطي معها معلقتين نشا و معلقة سكر بعدين بتحطيها عالنار لحتى تتقل
بعدين بديري عليها علبة قشطة و بتخلطيهم منيح و بتتركيها لحتى تبرد

اصبع زبدة دايبة

باكيت عجينة الفيلو او عجينة الكلاج
البكيت فيه كيسين كل كيس اذا ما تمزعت معك ولا ورقة بتعمل 18 حبة

قطر عبارة عن كاستين سكر و كاسة ونص ماء و بس يغلو منحط معلقتين صغار ليمون

وهي صورة المكونات



اول شي مندهن صينية الخبز بشوية زبدة ومنحمي الفرن على حرارة 390 فهرنهايت بما يعادل 195 سيلسيوس


مناخد اول ورقة من العجينة ومنمسحها بزبدة
ملاحظة:طول ما انتي عم تشتغلي خلي العجينة مغطية مشان ما تنشف لأنها اذا نشفت بتتكسر معك فما رح تزبط



منكرر الخطوة اللي فوق لحتى يصيرو 4 ورقات بس اخر ورقة ما مندهنها زبدة
ومنقطعها ل 3 اقسام

« اللَّهُمَّ اغفِرْ لي ، وَارْحمْني ، واهْدِني ، وعافِني ، وارْزُقني »
بعدين منحط معلقة قشطة عالطرف و منلفها متل السمبوسة


وكل ما نخلص حبة منحطها بالصينية و مندهنها زبدة
وهي شكل الصينية



بتاخد بالفرن من 10 الى 15 دقيقة لحتى تتحمر
وهي شكلها بعد الخبز طبعا القشطة سربت شوي لبرة بس مش مشكلة
جربت مرة اقلل قشطة و نفس الشي سربت بس عادي بضل زاكية



بعدين رتبيها بصحن و سقيها بالقطر و اذا عندك فستق حلبي كمان بطلع شكلها حلو



بتقدرو كمان تحشوها بجبنة موزاريلا او كيري
ان شاء الله تعجبكم
« اللَّهُمَّ اغفِرْ لي ، وَارْحمْني ، واهْدِني ، وعافِني ، وارْزُقني »
ماشاء الله تبارك الله

انا اول وحدة بترد الي صحن يبقى ....

جاري الحفظ يسلمو ايديكي ياعسل
سبحانك اللهم اني كنت من الظالمين

http://forum.hawaaworld.com/showthread.php?t=2255009
ما شاء الله عليكي ياروبي ..تسلم دياتك يا مبدعه
وان شاء الله رح اجربها ..شكلها بيشهي يمييييييي
اقتباس مشاركة  (emnsr)
ماشاء الله تبارك الله

انا اول وحدة بترد الي صحن يبقى ....

جاري الحفظ يسلمو ايديكي ياعسل
اقتباس مشاركة  (بنـ الجبل ـت)
ما شاء الله عليكي ياروبي ..تسلم دياتك يا مبدعه
وان شاء الله رح اجربها ..شكلها بيشهي يمييييييي
تسلمولي يا رب
بعض من ما عندكم
جربوها جد زاكية كتير و الواحد بسحب فيها ههههه

ام نصر مدي ايدك الصينية على حسابك
« اللَّهُمَّ اغفِرْ لي ، وَارْحمْني ، واهْدِني ، وعافِني ، وارْزُقني »


الساعة الآن 09:50 .