بسم الله والصلاة والسلام على رسول الله


إخواتي الغاليـــات

أولاً أنا سعيدة جداً بتسجيلي في هالمنتدى الرائع

مع نخبة من الأخوات المميزات في جميع المجالات

مكياج

و مطبخ

وأزياء

وديكور

ورشاقة

وما أقول ما شاء الله لا قوة إلا بالله عيني عليكم باردة

وفي أول موضوع لي في منتداكم الغالي

أحتــــاج مساعدتكم و فزعــــكم

وأبي منكم تعطوني افضل مقادير لعمل كل أنواع القهوة التالـيــــــة:

قهوة أهل الريـــاض

قهـــوة أهل الجنـــوب

وقهـــوة أهل حائــــل ( أو الشمال بصفة عامة )



باالمقادير المظبوطه وطريقة عملها وكم تاخذ من الوقت على النار

ولا أوصيكم يا بنـــــات اللي عندها مقاديـــر خاصة تحطها هنا ونستفيد منها كلنـا

جزاكم الله كل خير

أختـــكم /الغنـــدووورة
27-02-1430 هـ, 10:42 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
حيااك اختي بيننا وان شالله نستفيد وتستفيدي
طريقه اهل الريااض ونجد عامه كاس مويه ونصف وخليهم يغلون وبعد مايغلي اوضعي عليهم القهووووه ومقداره فنجان واذا تحبيها ثقيله زيدي نصف الفنجال ( وافضل نوع قهوه الهرري وفيه بالخير حلوووه) واذا غلت وطي النار واتركيها ربع ساعه وبعدين سكري النار واتركيها دقيقتين وبعدين ضعي بالدله او الترمس هيل او زعفران ثم صبي القهوه وبالهنا والعافيه
28-02-1430 هـ, 01:45 صباحاً
 
ابقولك طريقه قهوة هي دارجه بصراحه في أماكن كثيرة وبيني وبينك قهوة تعدل الراس صح علمتني عليها جارتي الله يجزاها خير

تستخدمين افضل نوع قهوه الهرري افضل شيء - الخولاني - على حسب المتوفر عندك
تجيبين الدله اللي بتسوي فيها قولي تقريبآ تحطين 2 كاس مويه حطي 4 ملاعق صغار بالملعقة الكبيرة 2
وتخلينها ع النار الين تستوي وتغلي تكونين وقتها طحنتي هيل << وسر الطعم في الهيل تطحنينه بوقتها المعلب تروح ريحته وطعمه تحطينه في الترمس أو الدله

قبل ان تنزلين القهوه من ع النار حطي ملعقتين من مخلط جاهز اسمة مخلط القصيم وتخلينها تغلي شوي وبعدين تحطينها ع الهيل اللي توك مجهزته في الدله والترمس


وادعيلي
28-02-1430 هـ, 02:16 صباحاً
 
ينقل من المقبلات الى الأطباق ...
28-02-1430 هـ, 02:44 صباحاً
 
مشكورة أختي "ذهب نجد" و الأخت " يفتح الله "

وأسأل الله أن يجعلني وإياكم في الفردوس الأعلى

لكن أبي مشاركات من الأخوات لكي نستفيد جميعنا من خبرات بعض..

جزاكم الله خير
29-02-1430 هـ, 02:09 صباحاً
 


الساعة الآن 10:21 .