اهلين اختي ام تامر هي متل طريقتك بس مافي لحمة بس انا قلت يلي بسعودية لانه جربت كتير مقادير وركزت هي الطريقة
هلا بك اخت الموسوسه وواذا عجبتك الطريقة اعمليها وخبريني
اطريقة والمقادير:
رغيف ونصف خبز لرغييفين مقطع مربعات صغيرة
مطربان حمص الجاهز المنقوع بالماء حجم كبير نصفي من الماء ونحطلو رشة كربونات الصوا ونتركه يغلي عالنار عشر دقائق او ليطرا الحمص
نحط الخبز بجاط ونرش عليه ملح وبعدين نبلله بماء الحمص بس مو كتير ونضع فوقه الحمص -خلي شوية حب للتزين
هلق نعمل البدوة هيك اسمها بالشامي او الخلطة :
علبة لبن ندى حجم كبير
علبة حمص سعودية حجم صغير
ملعقة كبيرة ممسوحة طحينة
عصير نصف ليمونة
سن ثوم مدقوقك
ملح
نخلطون منيح باليد مو الخلاط ونضع نصفون فوق الحمص والخبز ونخلطون منيح مع بعض
والباقي نغطي الوجه كلى فيه
وبعدين نحمر شوية صنوبر بالسمنة ونتركون جانبا
باقي السمنة نحميها ونسكبها فوق الكل وبالشامي منقول نطش السمنة يعني لازم تعمل طششششششششش
وبعدين زينوها بالصنوبر والبقدونس وشوية حمص حب وخطوط فليفلة بودرة حمرة وشوية كمون
هي اسمها فتة بالسمنة او تسقية ....في لسه بالدجاج وبالزيت وفتة مكدوس
والف صحة وعافية والفين سعرة حرارية جاهزة
25-01-1425 هـ, 04:11 مساءً
 
مشكورين

25-01-1425 هـ, 04:26 مساءً
 
عزيزتي tiaa


طريقتج وايد حلوة خاصة انها ما بدها خلاط ((لسه ما شريت واحد))


بس يا ريت تحطيلي مقادير الحمص واللبن بالكاسة لاني بالغربة يعني كل المقاييس تختلف


وكمان لو بدي احط حمص من اللي بكون ناشف زي الحصى (( مو معلبات)) شو بفرق في الطريقة


وكربونات الصوديوم لو ما لقيتها شاسوي؟؟ يعني هي شو بتعمل؟؟؟؟


والخبز ما عندي عربي

مين احسن:: توست واللا فرنسي

واحمصه اول واللا لا؟؟



ازعجتك

بس لاني حامل وبتوحم على الحمص وما صدقت الاقي حمص حب في هالبلاد واحترت فييييييييييييه


الله يسعدك ويوفقك

23-02-1425 هـ, 01:23 مساءً
 
تكرمي اختي صفصافة واية استفسار مو على عيني
بالنسبة للبن حجمها 380 غرام يعني تقريبا هلق عيرت طلعوا كاستين
والحمص كمان تقريبا المطربان الكبير كاستين بس بعد السلق , الفرق بينهم انه الجاهز بيكون مسلوق اذا انت بدك تسلقيه يعني اسلقي كاسة بيطلعوا يمكن كاستين بعد السلق
كربونات الصودا بتنضاف للحمص مشان يطرى انت انقعي الحمص قبل 24ساعة مع تغير الماء وقت تسلقيه بتصور ما بتحتاجيها ,
على كل حال هي اكيد موجودة لانها بتستعمل بالكاتو والمعجنات
والخبز اكيد التوست احسن بس حمصي منيح حتي ماياخد ماء كتير بيطرى وبيتشتش (كلمة شامية )
واكيد ما عندك علبة حمص سعودية المطحونة مشان هيك زيدي كمية الطحينة بالخلطة لتشوفي طعمتها ظاهرة يعني شي 3 علاعق كبار بس انت كل ماتضيفي ملعقة ذوقي احسن
اهلين اختي صفصافة و***** الله بتقومي بالسلامة واية شي بدك اتفضلي
23-02-1425 هـ, 03:48 مساءً
 
يسلمو اختي تيا ........ وياليت تعلمينا كل الفتات اللي ذكرتيها .............. واعجبتني البدوة كثير بس زدت عليها فص ثوم زياده وطلعت اتجنن.
24-02-1425 هـ, 04:03 صباحاً
 


الساعة الآن 11:09 .