السلام عليكم ورحمة الله وبركاته
ابشركم ولدت يوم السبت الصباح 21~2~2009
الساعه 8.46
وقصة ولادتي اني من يوم الأثنين نزل معي شوي مويه واتذكر دخلت هنا وسألت كلهم قالو لي لازم تروحين
للمستشفى وتطمنينوفعلا رحت قالت لي الدكتوره ان المويه شوي ناقصه والرحم مسكر ؟
يعني يمكن مفتوح فتحه بسيطه وتنزل منها هالمويه
بس حاولي تمشين كثير وتعالي لنا
طلعت ومشيت ومعد حسيت بشي
يوم جا يوم الخميس من بعد المغرب طلعت امشي الين بعد صلاة العشاء
وبعدين رحت انا وزوجي نتعشى وتوني جالسه في االمطعم الا جاني الم فظيييييييييييع
قلت اكيد طلق
لأني ما اقدر اوقف ولا اجلس مدري وش اللي صار فيني
المهم رحت للمستشفى قالت طلق بس مو ولاده لأنه بارد:44:
وقالت لي امشي في المستشفى وارجعي لنا
ورحت مشيت وراح كل الطلق
قالت لي الدكتوره ماراح اطلعك اليوم لازم تكونيني تحت الملاحظه عشان موية البيبي شوي ناقصه
علما اني في اليوم الرابع من العاشر
المهم جلست الين الصباح الجمعه وانا والله مافيني شي
يوم جا الظهر قالت الدكتوره لازم طلق صناعي
لان البيبي مويته شويه
توكلت على الله وحطيت الساعه12 الظهر
جلست الين المغرب ماحسيت بشي
قالت لي امشي بس من تطلع مويه على طول تعالي
ورحت امشي شوي واجلس شوي
طبعا في المستشفى
المهم على هالحال الين الفجر السبت
راح زوجي للبيت قالي بنام ساعتين وبرجع
المهم جلست لحالي وانا اصلا مابي اعلم امي ولا احد الا الين اولد وابشرهم
ما احب احد معي لاني دلوعه لو اشوف امي على طول ببكي
على فكره انا بكريه بعد
:27:
المهم طلع رجلي من هنا اولا وتجيني الطلوق من هنا
واروح امشي وادعي رربي انه يفرجها علي واني ما اطول لأن نفسيتي تعبت وخصوصا انه اول بيبي احس
اني مررررره مشتاقه له
المهم مشيت الين الساعه 6 الصباح بعدين حسيت نزل معي شي
وكنت لابسه بنطلون اسود
وقلت للمرضه تنادي الدكتوره قالت لي تقول الدكتوره حطي النبض وجهاز الطلق الين اجيك
لأن عندها ولاده
المهم جلست ساعه بعدين
قالت لي امشي الساعه7 كذا
رحت مشيت شوي الا احس بشي كثيييير ينزل معي
رحت بسرعه للحمام الله يكرمكم
الا واشوف رجليني وكل الدنيا دم:icon33:
المهم جت الدكتوره تبي تكشف لين رحمي مفتوح نص سانتي بس
قالت لي على طوووووووووووول قيصريه عشان المشيمه نازله
والبيبي مويته شويه
انا انهرت قلت لازم يجي زوجي بكلمه
قالت كم يبي له قلت نصف ساعه بالكثير قالت اجل وقعي انك انتي المسئوله لوصار شي للبيبي في هالوقت
كانت الساعه تقريبا 8 وربع
المهم بكيت وكلمت زوجي قالي توكلي على الله وحده وادخلي
وكلمت الدكتوره زوجي تاخذ موافقته ودخلت غرفة العمليات وانا ما ادري وش مصيرير و وش بيصير فيني اول مره في
حياتي اتنوم في مستشفى
المهم خدروني تخدير كامل وبنج موضعي
والحمد لله الساعه 9 ونص تقريبا صحيت من البنج
وانا بي اقول وين بيبي انا
قالو لي الحمدلله على السلاممه ولدتي وجبتي ولد يجنن
الحمدلله هو قالب كذا انا على طول نسيت كل التعب
وطلعت لغرفتي ولقيت زوجي قدامي وسلمت عليه وردت لي روحي
وعلى طول خلاني وراح جاب لي امي اللله يعافيه
واسفه على الأطاله
بس حبيت افيدكم مثل ما فدتوني واكتب كل شي بالتفصيل
وبالنسبه لولادتي كانت في مستشفى رعاية الرياض
مستشفى اكثر من رائع
عنايه واهتمام وشي ما ينوصف
انا من ثاني يوم ولادتي قمت اتمشى ومافيني شي ونام ولدي عندي بعد
خياطتي من احدث انواع الخياطات التجميليه يعني كل الخيوم من جوى ما فيه ولا خيط برى
واذا برى الجرح تتحلل
وشكل حرجي بس كذا جلدتين فوق بعض
واللي سوت لي العمليه الدكتوره اروى عراقيه قمه في الخبره والبراعه
وكنت اتابع عند رغده
وجلست في المستشفى الين يوم الأربعا وطهرو وليدي والحمدلله طلعنا بالسلامه
وبالنسبه للأسعار
القيصريه مع الخياطه التجميليه 11 الف
المتابعه 1600
الغرفه الخاصه اللي اخذتها اليوم 4500
و*****الله ما اتابع ولا اولد الا عندهم وانصح اي وحده محتاره تروح لهم
ولا تحسبون انهم ولدوني قيصريه عشان الفلوس
لا انا حالتي شاذه وما انفتح رحمي ولاني بكريه خافو يصير في رحمي شي لاقدر الله
ولو بغيتو اي شي انا حاضره
والله يهون على كل وحده حامل ياااااااااااااارب:26::26:
~همسة غلا~ @hms_ghla_27
عضوة فعالة
يلزم عليك تسجيل الدخول أولًا لكتابة تعليق.
الحمدالله على سلامتك ويتربىفي عزكم انا ولادتي كانت انواع العذاب لان ولدت ولاده مبكره وكان معي نزيف وانفصلت المشيمه وكنت سوابق عمليات وجاني بعد الولاده نزيف حاد مده 5 ايام ماوقف الا بالحبوب والابر طبعا بعد عناية المولى والحمدالله على كل حال
الصفحة الأخيرة
ويعني انتي ولدتي قيصريه؟؟؟؟ وله طبيعيه واذا قيصريه ليش الخياط؟؟؟؟؟ من تحت؟؟؟؟
اسفه اسئله كثيره الحمدلله على سلامه :26: