السلام عليكم
انا حابه افتح حضانة اطفال ولا عارف التجهيزات للحضانة
والترتيبات
ارجوكم ساعدوني ياخواتي


ماعندي خبرة بالموضوع بس حبيت ارفعه لك

الأخوات اكيد ماراح يقصروا

واذا احتجتي موظفات بلغيني

والله الموفق
حسبي الله وكفى
با التوفيق واذا انتي من الرياض نبي نتوظف عندك اذا ممكن
(سبحان الله وبحمده سبحان الله العظيم)
السلام عليكم

حبيت أشارك ولو بالقليل صرااحة ما عندي خبره بس حبيت اساعد ببعض الافكار

1-عشان تريحين راسك خلي كل ام تجيب اتياجات طفلها كامله

2-أنا اقول لو كنت جاده في الموضوع أكيد بتكونين مخصصه مكان لهم اذا كان في بيتك او مركز خاص نفس التصميم لازم يكون مهيئ لاستقبال اطفال يعني مثلا :-

ألوان الغرفه تكون تفتح النفس وزاهيه , خصصي غرفه تكون نوافذها كبيره لان ضوء الشمس مهم للاطفال عموما و للتهويه خصوصا

3- خصصي ركن مكتبة ركن أطفال وهذا اهم شي انا شفت بره كيف يحببون اطفالهم بالقراءه يجيبون لهم كتاب صغير مثلا بس فيه صور يقعدون يعلمونه اسماء الصور هذا للطفل اللي عمره سنه ونص وكتب كثيره مليانه صور وكلمات بسيطه جدا المهم والمبدا الاساسي هو يعلمون الطفل حب القراءه وهذا الشي مفقود عندنا احنا اول كتاب يعرفه الطفل حق صف اول ابتدائي

4- وهاذي بعد حركه عجبتني مرررره أول ما يبدا ااطفل يسنن (يطلعله اسنان) يجيبون فرشة اسنان صغيييييييييييره مرره على قدهم ويحاولون ييورونه أو يفهمونه كيف تنظيف الاسنان.

5- وأخيرا انصحك بالذهاب الى ايكيا مكان الاثاث المعروف رح تختصرين الموضوع بالنسبه للاثاث وهو يعتمد على الذوق واغلب اشيائهم بسيطه وحلوه وعمليه و اسعارها معقوووله وعندهم قسم اطفال كامل ترى كثير بتاخذين من عندهم افكار


أتمنى ان اكون قد افدتك ووفقك الله تحقيق مشروعك
الله يوفقك ويرزقك يارب..


الساعة الآن 06:21 .