Analysis Services
  • «
  • 1
  • 2
  • >
  • »
السلام عليكم ورحمة الله وبركاتة

بنات حواااااااااااااااااااااااااااااااااء ساااااعدووووووووووووني...

ايام ماكنت بالنفاس...جابت لي وحدة عصيدة بالتمرة...تجنننن..

وانا الحين في بيتنا حماتي في النفاس ونفسي اسويها لها ..رهييبة..

اذكر سالتها وقالت اسويها بالخلاط...بس انا ماعرف المقااادير ..ووقت النضج للعصيدة...

تكفووووووووووون ابييهااااااااااا..

سااااعدوووووووني....
04-03-1430 هـ, 05:09 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
بإذن الله البنات يساعدونك يا قلبي
04-03-1430 هـ, 05:46 صباحاً
 
انا اقول عليها والله مالد منها
لكل كوب دقيق كوب وربع ماء و 6 حبات تمر او رطب وملعقه كبيره زبده و كوب حليب مغلي (ثلاث ملاعق حليب بودره تداب في كوب ماء وتغليها)
ثلاثة ارباع ملعقه صغيره ملح

او ل شي تفككي التمر وتصفيها من النوى وبعدين ترفعيه على النار في قدر تيفال عميق مع الزبده وتحركيه شويه اللين تحسي التمر صار لين
تضيفي بعدها المويه وتحركي وترفعي بالملعقه القطع اللي ما دابت من التمر وممكن تخليها ما تاثر
بمجرد ما تغلي المويه ارفعي القدر من على النار وضيفي الدقيق دفعه واحده وحركي اللين يمتزج الدقيق والماء تماما وتصير عندك عصيده .
رجعيها على النار وحركي وضيفي الحليب شويه شويه وحركي حتى يترك العصيد جوانب الصحن ارفعيها من على النار وحطيها بصحن التقديم وممكن تتدهنيها بقليل من الزبدة تعطيها لمعه .

على فكره المقادير هدي لشخص واحد فقط
والمقادير تكون على عدد الاشخاص لو شخص كوب دقيق
ولو اربعه اربع اكواب وهكدا............................
04-03-1430 هـ, 05:58 صباحاً
 
ينقل من الساخنة الى الأطباق ...
04-03-1430 هـ, 07:03 صباحاً
 
بصراحه انا اللي اعرفه طريقتين
الاولى انك تجيبي كاسين تمر منزوعة النواه وتحطي كاسه تمر ثم تعبي ثلث الخلاط ماء وتضربيه زين
ثم تحطيه في قدر ثم تاخذي الكاس الثاني من التمر وتحطيه في الخلاط وتعبي ثلث الخلاط وتضربيه زين
ثم تضيفي في القدر على الكاس الاول وتخليه على النار لين يغلي ثم ترشي ذره ملح ثم تتبعيها
بكاسين دقيق بر وتحركي وتضيفي دقيق اذا حسيتي انها سايله زياده بس انتبهي لاتكثري دقيق ثم تصير
قاسيه لان القاسي مو صحي للنفاس واتوقع كاسين كفايه
واحركيها زين خمس دقايق او اقل لين تتماسك وتصير مثل المهلبيه الثقيله وبعدين اسكبيها على طول في الحافظه وزينيها بالقرفه
والحلبه والزبده

اما الطريقه الثانيه فهي انك تجيبي كاس تمر منزوع النواه وتحطيه في الخلاط وتحطي معه ثلاث كاسات حليب سائل
ونصف كاس دقيق بر ثم تضربيه في الخلاط زين لين تختفي قطع التمر ثم تحطيه في قدر على النار وتحركيه لمده
من ربع ساعه الى ثلث ساعه بعد الغليان وتخلي نفسك قريبه للتحريك كل شوي بعد وفي آخر لحظه حطي معه
ملعقه صغيره حلبه وحركيه واسكبيه في الحافظه وزينيه بخطوط من القرفه وقطع صغيره جدا من الزبده و
ملاحظه : لازم يكون مثل المهلبيه الثقيله فاذا حسيتي وانتي تحركيه انه ثقيل فزيدي حليب لين يصير قوامه مثل
المهلبيه الثقيله
04-03-1430 هـ, 09:58 صباحاً
 


الساعة الآن 09:22 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏