السلام عليكم
طريقتي بالقهوه
ملعقتين قهوه وماء مغلي في دلة القهوه واتركها تغلي لمدة ربع ساعه على نار هادئه
وفي براد القهوه اضع شوي زعفران وشوي هيل
ثم اصب القهوه عليه
وخليها خمس دقايق ثم تقهوي منها
وعلى فكره احمسي انت القهوه في البيت بحماست القهوه احسن من انك تشتريها محموسه لانهم مايحمسونها زين ويكون بعضها مانحمس زين ويطلع طعمها مو حلو
ملاحظه:
واحسن نوع للقهوه (بن هرري بالخير الكيس الاخضر )
واحسن نوع للهيل (الهيل الهندي )مو الامريكي لان الامريكي يسود القهوه ومايعطي طعم قوي
وبالتوفيق
اتمنى اني افدتك
05-03-1430 هـ, 07:47 صباحاً
 
شوفي السر

لاحمس ولا غيره

صحيح ان الحمس لازم يكون ضابط

بس نصيحه استخدمي الخلطه الايرانية سعرها 10 ريالات بس واحيانا 15 وملعقة شاي صغيرة تكفي
روووووووووووووووووووووووووووووووووووووووعه
ريحة ولون وقهوة كل من بيسألك عنها
جربي وقوليلي
وبعدين لاتحطين حليب بودرة
موحلوووووووووووووووووو منظره بالقهوة
جربي الخلطه الايرانية وشوفي
05-03-1430 هـ, 10:27 صباحاً
 
طريقتي
احمس القهوه وسط
بعد الطحن احط فنجان قهوه واخليه تطبخ 5دقايق بعد ماطفيه اخليه دقيقه تصفى
اكون حاطه باالترمس الزعفران والهيل
05-03-1430 هـ, 11:54 صباحاً
 
هلا يا اختى

طريقتى مره رووعه بالقهوه
اذا جبتها معي لصحاباتي الكل يشرب منها ويجنبون الباقي من غير مدح

وسهله


اغلى ع النار في براد القهوه مويه وحطي ملعقه صغير ه مررره حليب بودره
وبعدين اربع ملاعق وسط بن وخليها ع النار ربع ساعه ووطي النار واهم شئ غطي البراد وشوفي الطعم
وحطي شوي زعفران في الثلاجه

اتمنى اكون افدتك

دعواتك لي
05-03-1430 هـ, 12:44 مساءً
 
شوفي غلاي انا ماكنت اعرف اسوي القهوه خير شر وفي مره كانو في ناس جايني يخطبون المهم امي كانت تتجهز وقالت سو القهوه ويمكن نسوي اربع رات ونكبها وماضبطت والمهم جاو الناس وراحنا سوينها وحطينها جاء ابوي يهاااااااااوش ومين الي سوا القهوه وقلت له انا وقام يقول هذي مويه ............الخ يعني تهزه محترمه جتني المهم من عقبها عزت اتعلم القهوه المهم حاولت لين ضبطت والحين ماشاءالله قهوتي تغطي على قهوة امي هذا غير ريحتها الي تفوح والله ماشاءالله مو مدح صديقاتي لما نسوي فطور يطلبون مني القهوه
والحين بعد هاالهذره الطويله بقولك طريقتي بالضبط
شوفي القهوه شاريته محوس اشقر
اجيب براد احط فيه لتر ونص يعني 6اكواب ماي واحيانا 5 اكواب مثل كوب الجبن الكبير الطويل
وبعدين احط قطعه صغيره مستكه خاصه للقهوه والاكل غير حقت البخور واذا تبين اصورها لك انا حاضره المهم واحط قطعة شيبه واحيانا ماااحط هالاشياء المهم اخليها تغلي وبعدين اجيب مقدار فنجال وربع قهوه واعبيها قهوه واحطها على المويه واقصر النار واغطيها والحيها من 20 دقيقه الى 30دقيقه في هالفتره الي تطبخ فيه القهوه اجيب هيل ويفضل هيل يكون جديد مو قديم ويكون لونه اخضر واطحنه طااااااااازج وهناالسر في الهيل لازم يكون مطحون طاااااااازج وبعدين احط تقريبا ثلاث ملاعق صغيره بس تكون مليانه مره ومعلقه ونص في خلطه شاريته للقهوه من الاجوديه معنا هنا بالمنتدى وهذي او خلطة قهوة القصيم تحصليها ب10 ريال وحطيها كمان بالترمس وشوي زعفران المهم وبعدين اطفي على القهوه واخليها دقايق تهدا وبعدين اصبها في الترمس وخلاص خليها 5دقايق وقدميها وشوفي كيف طعمها وهذي طريقتي بالقهوه والي الكل دايم يطلبها مني
ترى احيانا لمااسويها للبيت يحبون احط معلقه حليب مركز او كوفي ميت
05-03-1430 هـ, 01:04 مساءً
 


الساعة الآن 04:13 .