Analysis Services
  • «
  • <
  • 1
  • 2
  • 3
  • »
الله يعينك سوي كبسة مضبوطة وقرصان وسلطة عادية<<<هذولي سويهم بنفس اليوم
وورق عنب وكريم كراميل وميني تشيز كيك <<< الحلى سويه اليوم وغلفيه مضبوط مايتغير وورق العنب قبل العزيمة بيوم ويوم العزيمة طلعيه بدري ووزعيه بصحنين طواليات أو صحون صغيرة وزينهم بالجزر المبشور وشرايح الليمون وغلفيهم زين..
الكريم كراميل سويها ووزعيها بصحون صغييييرة لو عندك والتشيز كيك قطعيها دوائر بأصغر قطاعه للبيتزا ولو ماعندك ممكن تستخدمين علبة بكينج بودر تقصينها من تحت وتستخدمينها وتوزعينهم بصحون على عددهم أو تتركينهم بالصينيه وهم ياخذون براحتهم بس الطريقة الأولى أشيك وأحلى...
الخضار حقت السلطة غسليهم من اليوم وحطيهم بشبك في الثلاجة...خضار القرصان قطعيهم قبل العزيمة بليلة وخليهم بمويه في الثلاجة...
وهذي طريقة ورق العنب والتشيز كيك لو حبيتي تسوينهم وورق العنب يكفي تسوين نصف الكمية (أضمن لك إنه راح يعجبهم)...
ورق العنب بالزيت
المقادير:
3 كاسات لحم مفروم
3 كاسات أرز مصري (تنقع في ماء حار لمدة 10 دقائق)
3 كاسات بصل
3 كاسات طماطم مطحون
2 كاس عصير ليمون
كاس زيت زيت زيتون
2 م.ص (ملح _بهارات _وقليل من الفلفل الأسود)
بقدونس مفروم
علبتين ورق عنب أورلاندو
الطريقة:
يغسل اللحم المفروم بالماء ويصفى منه تماما ، يحمس البصل في الزيت حتى يذبل ثم يضاف له عصير الطماطم وملح ويترك حتى ينشف ماؤه ،يترك حتى يبرد ثم تضاف له باقي المقادير ويحشى بها ورق العنب ، في قدر ضغط يوضع قليل من زيت الزيتون وتصف فوقه شرايح البطاطس وورق العنب والماء النازل من الحشوة و3 كاسات ماء مذوب معها 3مكعبات ماجي وتغطى بشبك القدر ويوضع فوقها قدر صغير فيه ماء ويوضع على النار لحد مايفور ويترك على نار عالية نوعا ما 5 دقايق ثم نار هادية لمدة 15_20 دقيقة ثم يصف في طبق التقديم ويقدم....
حلى طبقات الفيمتو
المقادير :
الطبقة الأولى:
3 كأس بسكوت مطحون
أصبع زبدة بدرجة حرارة الغرفة (ماتذوبينها على النار)(100 جرام)
فنجان قهوة حليب سائل
الطبقة الثانية:
علبة زبادي
8 فناجين حليب بودرة
3 فناجين سكر
1فنجان زيت
1 فنجان ماء
الطبقة الثالثة: (ممكن تستبدلينها بالبلوبري)
2 فنجان فيمتو مركز
4 فناجين ماء
2 ظرف كريم كراميل
الطريقة :
تخلط مقادير الطبقة الأولى وترص في صينية بايركس كبيرة ، تخلط مقادير الطبقة الثانية في الخلاط وتصب على الطبقة الأولى وتدخل الفرن من فوق حتى تجمد وتترك لتبرد ،تخلط مقادير الطبقة الثالثة وتوضع في قدر على النار حتى تغلي وتصب بالتدريج على الطبقة الثانية وتدخل الثلاجة لتبرد ثم تقدم..
هذا اللي عندي ولو عندك أي استفسار يالغلا أنا جاهزة
لاتنسيني من دعواتك بالتوفيق..
05-03-1430 هـ, 04:53 مساءً
 
وبعد ما تخلصي من تجهييز اطباقك لاتنسيين تزيين السفره

وبالنسبه لي مهم جداا وخصوصا رجال اكيد مكان العشا لحال ممكن تجهزينه اي وقت وتسكرين عليها
05-03-1430 هـ, 05:18 مساءً
 
يارب تفلحين وتبيضين وجهه
البنات ماقصروا
05-03-1430 هـ, 05:41 مساءً
 
شكرا ماقصرتوا جعله في موازين حسناتكم الله يبارك فيكم يارب

زوجي خل العزيمه الاسبوع الجاي علشان اخوانه بيجون الاسبوع الجاي

الله يوفقكم يارب ريحتوني

راح اسوي مثل ماقلتوا

تسلمون حبايبي
07-03-1430 هـ, 06:44 مساءً
 


الساعة الآن 06:00 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏