بسم الله الرحمن الرحيم

بنات عندي بعد كم يوم عشاء و قررت وش ابغى أسوي بس محتارة

بقول لكم وش قررت

1. عصير طبقات ( مانجو و أفوكادو و فراولة )

2. مع القهوة تمر بجوز الهند و السمسم <<< خلاص انتهيت منه
3. حلى قهوة بالتوست و القرفة ( بسيط و سريع )
4. حلى قهوة بالجبن الكيري ينحط في الثلاجة.

5. خلية نحل و كوروسون (بعجينة وحدة).

** مع العشاء :

6. متبل.
7. سلطة فواكه.
8. كريم كراميل.

بس أحس ماراح يمديني أسوي كل هذا في يوم واحد.. أعرف نفسي بيضغطني الوقت!!

ف وش رايكم وش من هالأشياء ممكن يتسوّى اليوم اللي قبل العشاء.

أفيدونا بخبرتكم!

بإنتظار ردودكم

مشكورة اختي
والله يقويك
اولا الخليه ولكوروسون ممكن قبله بيوم وغلفيها بابلاستك
واليوم الثاني سخني في المكرويف او الفرن
الحلي اللي ينحط في الثلاجه برضوه ممكن قبلها بيوم او الصبح
حلي القرفه والله ماشفت المقادير بس اذا انتي حاسه انه انه مايخرب جربي


البرق99
مرحباااا اختي

بالنسبة لحلي العشاء ممكن تسوية قبل بيوم يعني بالليل قبل يوم العشاء

وانا دايما اعتمدة واخذتة من المنتدي بس ما اذكر اسم اللي كتبتة

وهو كيكة التوف

يكيكة التوفي.. هذي غير _((رووووعة))
المقادير:
كاس حليب
نصف اصبع زبدة
4بيضات
كاس سكر
ملعقة صغيرة ب ب
نصف كاس جوز الهند
بيالة ماء

مقادير التوفي:
علبة قشطة
بيالة سكر

الطريقة:
يحمس الحليب على النار إلى أن يصبح لونه بني
يخلط بالخلاط البيض والسكر والزبدة البيكنج بودر وجوز الهند والماء والحليب المحموس ثم يوضع الخليط في صينية في الفرن ويترك ليستوي.

لوضع خلطة التوفي:
يحمر فنجان سكر على نار هادئة ويخلط مع علبة قشطة ويصب على الصينية بعد إخراجها من الفرن ثم تبرد في الثلاجة.

اما مع العشاء ممكن تسوين الحمص قبل بيوم او في الصباح عادي واخذتة بعد من المنتدي وممكن تسوين سلطة خضراء او سلطة فواكة
اما القهوة سوي معها نوعين اسهل لك مثلا معمول سوية قبل بيوم وشوفي نوع ثاني من المنتدي
وان شاء الله ما تتعبين بالعشااااااء

>>>>> تعبانة من كثر ما تسوي عشيات
مشكورين يا بنات ما قصّرتوا..

نردها لكم ان شاء الله..

هلا علاجي... بس على إيش شكراً........

شكرا albarg99

sarah-9 شكراً و تعتبتي نفسك معي.. ان شاء الله اسوّي الحلى حقك.. شكله لذيييييييييذ



الساعة الآن 02:00 .