اتخنقت

علاج السمنة والنحافة

السلام عليكم ورحمة الله وبركاته
الموضوع ببساطة شديدة زى ماهو واضح من العنوان .. انا اتخنقت ومش عارفه اعمل ايه .. او عارفه بس مش عارفه انفذ .. هو علشان ماطولش عليكم انا نفسى انحف ومش عارفه .. تعبت من نفسى .. انا مش ممكن اكون طبيعيه ابدا .. انا حتى كتبت قبل كده للاخصائية النفسيه هنا فى المنتدى لكن مامن مجيب .. حتى لو جاوبونى هايعملولى ايه .. الموضوع كله فى ايدي .. وانا وحدى اللى اقدر اتخذ القرار
باكل بطريقه مش طبيعيه .. طول النهار اكل اكل لما قرفت من نفسى .. والمهم ان ممكن اكون مش عاوزه اكل من الاكل ده لكن .. مش عارفه زى ماكون باحوش او بادخر للى مايعرفوا اللهجة المصريه .. يعنى ممكن يكون صنف اكل امامى وانا اصلا لا اشتهيه .. لكن بتجينى رغبه قويه انى افسد الريجيم وكانى بانتقم من نفسى .. والله مش عارفه اقول ايه .. بس انا باكتب وانا منهاره .. انا قرفت من نفسى .. والموضوع ده بياثر على كل حاجه تانيه فى حياتى .. كل نظام حياتى بيفسد .. باشعر بكده حتى فى الصلاه والعباده .. فى علاقاتى مع الناس .. بحس انى مش طايقه اكلم حد .. انا مش متزوجه لكنى مخطوبه .. وزفافى كمان شهرين باذن الله .. يعنى المفروض يكون عندى دافع قوى .. بس حاسه انى مضروبه على راسى ..
اشكركم يابنات لمجرد قراءة موضوعى .. واشكركم اذا رديتم على .. انا حبيت افضفض معاكم
4
684

يلزم عليك تسجيل الدخول أولًا لكتابة تعليق.

تسجيل دخول

لياااان2
لياااان2
يا حبيبتي قولي لا اله الا الله انا كمان نفس معاناتك ما اقدر اتم على الرجيم بس وش نسووي لازم ما نستسلم الين نوصل للوزن الي نبيه مره تخيب ومره تصيب اهم شي الا استغفار وقيام اليل الله يقوينا ماحبيت اقراء موضوعك وما ارد عليك
*samra*
*samra*
حبيبة قلبي لا تقسي ع حالك
انتي حاولي تدعي وتستغفري قد ما تقدري
وبعدين حتى لو شفتي الاكل قولي في نفسك ...مين احسن انا ولا الاكل؟؟؟صحتي ولا الاكل؟؟؟نفسيتي اللي رح تدمر ولا الاكل؟؟؟
حاولي تشغلي نفسك في اي شي
وضلك استغفري بنية عدم التخريب للريجيم
والله يتمملك ع خير بزواجك
achkimo
achkimo
* أنصحك تشترين ثياب نفسك تلبسيها بس بمقاس أصغر من مقاسك الحالي ... و حط هدف أول إنو تلبسها بعد شهرين مثلا ... أنا عملت هالطريقة و بصراحة نفعت معايا نجحت 100%

* حاول تغيّر جوّ و اطلعي أكثر برا البيت ... اتفسحي عالكرنيش...في مجمع ...

* في خلطات أعشاب بتسد النفس و تخفف الشهية ( موجودة في صفحات المنتدى) جربيها ممكن تنفعك
مياه عذبه
مياه عذبه
اشكركم كثيرا لياااان - سمره - اشكيمو ؟؟ ياترى الاسم صح ؟ حتى المشاركه لها دور فعال وبترفع كتير من المعنويات جزاكم الله كل خير