اقتباس مشاركة  (noon123)
للرفع والإستفاده

أهنيكم على أفكاركم الجميله والاكثر من رائعه

أنا فكرتي أجيب خياطه بالبيت وأبيع من بيتي وإذا استفدت وتوسعت أفتح محل
بس مدري وشلون أبتدي ساعدوني
وشلون أجيب خياطه من دون رخصة محل ووشلون أسوق بضاعتي
أعرف وحدة جابتها بفيزة شغالة لكنها متعاملة مع مكتب يجيبها لها خياطة دارسة من بلدها وحطت لها غرفة بالحوش وشرت مكينتين وحدة عادية والثانية زي حقت الخياطين ومستعملات بعد ولافيهن شك ولا تطريز عاديات
في البداية خلتها تخيط ملابس بناتها والناس شافوها عليهم وخلتها تخيط أنقبة وأجلة وتعرضها على الحريم يعني تسوق لنفسها واللي يبي تصميم خاص يجيب موديله ومقاسه لأي شيء وهي تفصله وبعدها قامت تصمم موديلات جلابيات بسيطة وتلبسها بناتها والأقمشة موجودة تجين عند الخياطة تختارين الألوان وتفصل لك وماشاء الله الحريم يبونها لأنها تقيس عليهم مباشرة مش مثل الأجنبي وتدخل أضعاف راتبها في المناسبات ومعينة خير -ماشاء الله تبارك الله - ماتمت سنتين تفكر تجيب الثانية
وكله من البيت لاترخيص ولا غيره


بالتوفيق
اقتباس مشاركة  (نجداااالاحباااب)
مرحبا يا بنات
انا عندي موهبة اسوي اعمال فنية اغلبها اسويها لبيتى واسوي تلبيسات ترامس لي ولاخواتى اسوي اطقم كاملة للغرف وللمطابخ
لكن ما فكرت ابيع انا اسوي لي ولاهلي بس وكثير يعجبهم شغلي ومتميزة صواني التقديم الي اقدمها
حتى في نفاس اختى انا سويت لها التوزيعات وحتى في السابع ودبش اختى انا سويت لها كل التغاليف وكل شي من والي
ترى يا بنات الخامات ما تكلف كثير لاننا دايما نروح سوق الجملة واشوف الي يبيعوها بصراحة ياخذو مبالغ خيالية
ترى ما يكلف غير الشوكولاتة بس لاننا نحط من باتشي او شوكولاين ...
ممكن تفيدونى كيف استفيد من الموهبة الي عندي لانى ما عندي معارف كثير ابيع لهم ...
ولو فكرت افتح محل مدري هل يكون مربح او لا ؟؟؟
ساعدوني

خلي الحريم ينشرون شغلك بين بعض يعني لو فيه من المعازيم في النفاس معلمة مثلا أو ممرضة ممكن تطلبون منها نشر الموضوع وبكذا تتعاملين مع ناس أكثر لو ماتعرفينهم


فيه حريم يروحن للحدائق العامة ويسوقن لأنفسهن وهن بنات قبايل معروفة بس يتسلن بدال صفت اليد
اقتباس مشاركة  (سمرا حنه)
جزاكم الله خير على الافكار الحلو

والله انا ابي بعد اعرف طريقة عمل البخور الدوسري والله ريحته جنان واذا تعرفون جريم يبيعونه ارسلو لي ارقامهم والبهار ممكن البينت لو سمحتو تكتبون الطريقة


واذا انتي مثلا بالدمام وعندج المقدره تعلميني بالبيت انا شاء الله اعطيج السعر اللي تبين بس اهم شى يكون معقول


والله يستر على الجميع

ننتظر افكار باقي البنات


حطي في قوقل بخور دوسري وتطلع لك الطريقة

وفيه وحدة من بنات حواء حاطته هنا أعتقد إنها دوسرية كول إذا ما خانتني الذاكرة
اقتباس مشاركة  (كلي وفا1)
انا براسي مشروع بس والله محتاره فيه وخاصة من ناحية التسويق ومشروعي هو اخذ موديلات من النت وافصلها عند خياط وابيعها بعد مااحط عليها تركيبات وحركات وتطقيمات من طواقي وهيلاهوبات وووغيره..لان انا عندي هوايه تنسيق الملابس وخاصة ملابس الاطفال فياليت تخبروني هل هذه الفكرة ممكن تنجح وياليت اللي عندها فكره اواي شي بخصوص هالمشروع تفيدني وجزاكم الله خير

فكرة حلوة ينقصها التسويق
يعني تشوفين لك محل تبيعينها عليه قبل ما تبدين وتتوهقين ممكن تورينه عينات على مقاسكم بس عشان يتأكد من جديتك في الموضوع ولو كنت تملكين خياطتها كانت أوفر

موفقة
اقتباس مشاركة  (أم عواشة حبيبتي)
و ياريت يتفاعلون معاي بنات الخبر ممكن يعطوني افكار و يقولون لي المحلات اللي ممكن اعرف فيها ناس
و مشكورة حبيبتي على الرد و الاهتمام

زوري المعارض المؤقته في معارض الظهران أو قاعات العرض مثل السيف وغيرها أو الخيام

يعني كل ما تسمعين عن معرض زوريه واستفيدي منه وممكن تستأجرين فيها تعرضين بضاعتك - فيه مهرجانات خاصة بالنساء يتم فيها عرض التسريحات والمكياج-

تلقين إعلاناتها بالصحف خصوصا اليوم والمبوبة والشوارع العامة


موفقة


الساعة الآن 04:11 .