Analysis Services
آآآآآآآآآآآآآآآآآآآآآىخ تعبنا من الحاجة
15-11-1431 هـ, 02:01 مساءً
 
اقتباس مشاركة  (&& دعد &&)
يقول المثل وفاز بالملذات الجسور

بهالطريقه المتردده ماراح تتحركين ولا خطوه
انتي سوي كميه وعطيها تاجره تصرفها
او عطيها وحده جريئه تسوي لها دعايه ولها نسبة 20 بالميه واذا شفتي عليها اقبال
سوي لنفسك دعايه ويصفي لك الربح
جزاك الله خير اختي

والان انا سمعت كلامك وبدأت

وان شاء الله خير


والله يوفق الجميع
20-11-1431 هـ, 03:31 مساءً
 
الموضوع بصراحة كتير حلو ورائع
لأنه هيك صار في تجاوب ما بين الطالب والمطلوب
حلو الواحد يعرض شو عنده من اعمال بقدر يعملها,او انه يكون بحاجة الى مشروع صغير,وما بين البنات الي بحاجة الى هدول البنات الي شاطرين في عمل البهارات والاعمال اليدوية وغيرها
بالتوفيق للجميع
20-11-1431 هـ, 04:11 مساءً
 
تروح سوق الجمله وتجيب اقمشه منوعه وناعمه وتخيط بيجامات بناتي اذا لها هوايه 00

وشراشف صلاة وممكن قمصان نوم من اقمشه شيفون 0ربطات شعر 00حجاب للعاملات 00
20-11-1431 هـ, 11:47 مساءً
 
هلا حبيباتي

جبت لكم اليوم اختصار عملته لـ

تجهيز الأفراح


أول شئ اعتمدي على الله وحده واسأليه التيسير واستخيري
ثانيا خلي لك محلات محددة تتعاملين معها عشان يعملون لك خصم طيب مع استمرار التعامل لأن إذا بتاخذين بالسعر العادي اللي للناس العاديين ماراح تستفيدين لأن سعرك لازم يكون إذا مش أقل من سعر السوق شوية ما يكون أعلى منه بالذات في البداية لين تثبتين وجودك
يعني يكون لك 2-3 محلات للمعجنات والحلى تتعاملين معهم بحيث لو جاتك الزبونة وطلبت تعطينها القائمة هي تختار منها المحل اللي تبي الحلى والمعجنات منه عشان ما يطلع ما عجبها بعد العرس وتسوي لك مشكلة لأنها هي الي اختارت ولو طلبت من محل غير تتحمل الفرق-يعني تزيدك, او هي توفره لنفسها وينقص كذا سعر المأكولات من العقد-
تتعاملين مع أفضل محل للورد من حيث الجودة-دقة المواعيد عشان ما يوهقك-والسعر
تشترين نوعين أوثلاثة من الفازات بكميات كبيرة ما تقل عن 30 ولا تزيد عن50
لأن تقريبا هذا حجم الصالات
تشترين طوايق من الساتان والتل والشيفون إلخ من محلات الجملة أهم شئ في الساتان اللون السكري لأنه مطلوب أكثر
ممكن يكون عندك نماذج حية تورينها الزبونة أو صور لزواجات من قرايبك أومن المجلات أو النت أنت تقدرين تسوين زيها واللي ماتقدرين عليه من البداية قولي ماراح يكون زيه عشان تكسبين ثقة الزباين
وممكن لوكان لها طلب خاص تنفذينه لها
تشترين كرستالات ومن هالحركات اللي تنحط عالطاولات
ممكن تجهزين هدايا الزواج سواء كانت فكرتها من عندك أو من عندها تسوينها أنت من البيت أوتتعاملين مع محلات الهدايا بس كذا ما راح تستفيدين كثير يعني لازم تتعلمين تجهيز الهدايا أفيدلك
بالنسبة للعصير بعد يكون لك 2-3 شركات ألبان تتعاملين معاهم يبيعونك بسعر الجملة
وممكن تتعاملين بعد مع مطعم أوثنين للعشاء
وتوفرين جهاز كاشف الجوال عندك والعاملة حقته لو تاخذينها بالأجرة مش مشكلة
وممكن حتى القهوة والشاي والنعناع والكابوتشينو والآيس كريم أنت تسوينها وتوفرين لها ترامس وأواني كشخة لكل طاولة ومعها دلتين أو أربع رسلان للقهوة تدور بها العاملات عالحريم
وممكن توفرين عطور الإستقبال وما بعد العشاء والمباخر وهذيك اللي فيها الهيل وعود الأسنان والعلك اللي يحطونها على باب الخروج من البوفيه-مادري شيسمونها-
وممكن توفرين خدمات دورة المياه أعزك الله
وعاملات الخدمة والضيافة
حبياتي هذا اللي يحضرني الآن لأني ماروح زواجات إلا نادرا بس هذا اكتسبته من زواج أخوي الي حاسني حوسه الله يوفقه

كل هذي الشغلات وين تحطينها؟ إذا عندكم مكان في البيت أنعم وأكرم وإذا مافيه تستأجرين محل يكون أجاره مناسب تخلينه مستودع لك
**********
هذا الشرح

وقبل لا تبدين إذا عزمتي خلاص ..لا بد من دراسة ميدانية للمشروع يعني تاخذين قلم ودفتر وتنزلين لمحلات تجهيز الزواجات تسألينه عن كل شئ بالتفصيل الممل كأنك بتجهزين عرس.. محل واثنين وثلاثة الين ماتحسين الصورة وضحت عندك وحتى تكتسبين خبرة من طرقهم في التجهيز أكيد عندهم أشياء أنا ماذكرتها
بعدين ارجعي البيت وسوي ذاك الكافي أو الشاي أو القهوة اللي يكيفك وجيبي الآلة الحاسبة واحسبي:على أقل تقدير لكل شئ وأعلى تقدير
زيني جدول :الخامة -سعر الصنف (حبة)-أقل تقدير(30حبة)-أعلى تقدير(50حبة)
هذا اللي كلفك وبعدين ضيفي -البيع بأقل تقدير-البيع بأعلى تقدير
وكذا لكل شئ ممكن توفرينه اكتبي كم بيكلفك وكم بتعرضينه به ووش ربحك فيه يعني دراسة متأنيييييييييييييييييييية جدا ورايقة عشان تعرفين خلاصك وما تخسرين
ومش ضروري توفرين كل هالأشياء مرة وحدة ترى السماء والأرض ما انخلقت في يوم على مهلك وبتأني يعني ممكن تجهيزين طاولات في البداية بس من دون أكلها بعدين تضيفين الأكل بعدها الهدايا وهكذا أهم شئ الشغل يكون حلو ومتقن وممكن اللي ناقصك تتعاونين مع محلات توفره لك
موضوع الكوش يحتاج مهارة في الرسم والتصميم وابتكار الأفكار لأن كل عروس ودها تجيب شئ جديد وهذا اشوف إنك ماتبدين به لأن حتى المكان يبي له مساحة كبيرة إلا إذا كنتي مقبلة عالمشروع كامل
بالنسبة للتوصيل والتركيب إذا ممكن تروحين أنت وعايلتك أو تستأجرين لك ناس يروحون بدالك..سألت صاحب محل قال حنا اثنين مصمم كوش وعامل ووقت الزواج نستأجر عمال..يعني ممكن من العوايل المقيمة هنا يبون يترزقون المهم تتعاملين مع نفس الشخصية في كل مرة عشان يكونون فاهمين عليك
سوي لك دفتر فواتير عشان كل 6 شهور تحاسبين نفسك ربحانه ولا ؟....وإذا لا تشوفين وين المشكلة وتتفادينها
قبل مواسم الزواجات مثلا قبل العطلة الصيفية بفترة انزلي المحلات شوفي عرضهم كيف عشان تستفيدين إما مثله بالمرة -وهذي سرقة أفكار- أو يساعدك في إيجاد فكرة أخرى

وأنصحك تزورين شات الأحلام يمكن حاطين لك دراسة جدوى بتفيدك كثير إن شاء الله

بالتوفيق
22-11-1431 هـ, 03:03 مساءً
 


الساعة الآن 11:06 .