عزيزاتي......
من وانا صغيره وانا احب انقش بالحنا لنفسي واللي حولي وطول المده هذي وكلهم يشجعوني اني استثمر هالموهبه واشتغل بس مو عارفه كيف ابدا
اللي يقوللي تعاقدي مع مشغل طيب المشغل يبغاله التزام وانا ماني متفرغه ورايه اسره واطفال وفوق كذا يبغى نسبه اقل شي النص
واللي يقوللي فكري تعملي اعلانات في اوساط الحريم طيب انا عندي الدافع بس فيه نسبة تردد مادري ليه اخاف من ردة الفعل مو اي شي يعجب غيري والناس اذواق انا الحمد لله واثقه في رسمي اقل شي احسن من غيري بس مااضمن رضا الناس يمكن تنقلب نتيجه عكسيه وانا ماحب احد يحطمني

محتاجه ارائكم
12-03-1430 هـ, 03:46 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
استيعيني بالله وابدأي واتركي كل الافكار السيئه جانبا بكره تتلاشى اذا جمعتي لك مبلغ زين
وانصحك تبدأي مع ناس من اقاربك بأسعار زهيده لحد ماتاخذي الخبره وتنالي الاعجاب والشهره
بالتوفيق
12-03-1430 هـ, 03:54 صباحاً
 
مشكوره ياقلبي على التشجيع
12-03-1430 هـ, 02:07 مساءً
 
جارتنا السودانيه كانت ترسم لي مزهريه ولا سلم طالع نازل يقالها نقش تلعب علي شوي شوي ترسم لي مكتبه لو عطيتها مجال ماظنتي انها احسن منك وماشاء الله ماشيه

نقشيني بلاش واسوي لتس دعايه بش المشكله ماني بديرتكم خخخخ ولا احب النقش اصلا

اكتبي كروت وعطيها قرابتك وحده تقول لوحده وهكذا لين ماتنعرفين بذات النقش الهندي يرغبونه كنك تعرفين ومو حلو تتعاقدين بمشغل ابد روحي لهم بالبيت احسن
12-03-1430 هـ, 02:31 مساءً
 
سوي نقش على يد احد اخواتك ...

او على يدك او على ورق اريمي يد و ابدي رسم نقشات ..

جمعيها بكتلوج وخلي الناس تختار ...

و قولي بكل ثقة هذا اللي عندي ..

لانه لما يحسوك مترددة ومو واثقة بنفسك تحملي الازدراء اللي بيجيك والتحطيم ..

اذا انتي بالرياض عطيني رقمك ..
12-03-1430 هـ, 11:31 مساءً
 


الساعة الآن 08:47 .