السلام عليكم ورحمة الله
كيفكم بنات ابغا منكم طريقة عمل القهوة يمكن بتضحكون عليه لاكن فعلا ماتضبط ابد معي اجيب افضل بن لاكن للاسف والمشكلة اني مدمنة عليها عشان كذا ابغا اضبطها الحمد لله اعرف اطبخ زين والحلاالمعجنات تمام الا هاالقهوةابغا اللي تكون بن وهيل و في الاخير وممكن زعفران (معليش طرارة وتتشرط)
اللهم برحمتك استغيث اصلح لي شاني كله ولاتكلني الي نفسي طرفة عين

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
ابعطيك مراحل القهوه من القطفه ولين تشربينها
اول ماتشترين القهوه النيه اغسليها وانشريها بالشمس << تعلمت الغسل والنشر من خالتي
بجد الطريقه رائعه لان القهوه تجي مليانه وسخ واذا غسلتيها ونشرتيها يوم او يومين بالكثير بالشمس بتنشف
احمسيها بالحماسه او بالفرن وياليت تكون النار متوسطه عشان تستوي من جوا وبرا ويصير لونها اقرب للبني الغامق (قهوتنا النجديه)
بعد ماتبرد اطحنيها طحن متوسط برضو مو ناعم كثير ولا خشن
اغلي المويه بمقدار يكفي 3 اشخاص متوسطي الشرب للقهوه<< وين الشيف اسامه يقتبس الاسلوب
حطي عليها فنجال مليان من القهوه وخليها تطبخ من 10 دقائق الى 20 دقيقه على نار متوسطه ثم حطي الهيل وسكري طوالي( لايطبخ الهيل) واتركيها 3دقايق على بال ماتحضرين الصينيه والحلا والتمر و.... بس انتبهي قلنا 3 مو 10او اكثر عشان ماتبرد في
الحين حطي في الترمس او الدله الزعفران (ولو حطيتي الزعفران من البدايه مع القهوه مافيه مشكله)
صبي القهوه في الترمس وسكريها وقدميها بعد 10 دقايق وبالهناء والعافيه

تفضلي صحن التمر هديه مع القهوه اللي سويتها لك





اذا جربتيها ادعي لي وعطيني رايك فيها وبالهناء والعافيه
اجمل فساتين الزفاف والسهرات والاكسسوارات اللتي ننفرد بتصميمها وتنفيذها يدويا
الايميل للاستفسارات الجاده :
مرحبا بكم في دار Top Elegance للاناقه العليا الخبر
يمكننا خدمتكم في جميع مناطق المملكه ودول الخليج
خدماتنا نسائيه 100%
الاخت top elegance وفت وكفت يعطيها العافيه

وهذ صحن حلى والقهوه مع تمر top elegance وشكر للك






ماشاء الله عليك ياtop elegance تشتري البن الني وتسوينه في البيت بعد بصراحه حنا نشتريه جااااهز مطحون و خالص يعني تعودنا من زمان ماااسوينا الطريقه القديمه اللي ذكرتيها على اساس كل شي تغير المهم هذي طريقتي لازم المويه تكون مغليه وبعدين تضيفي البن على قد اللي تحتاجي من القهوه وشوية هيل و شوية قرنفل اللي يسمونه مسمار ولاتكثري حتى مايجيب لك حرقان وخليها 15 دقيقه على نااار هاااااااااااااديه وبعد كذا تضيفي الهيل في ترمس القهوه اللي يسمونه بعض الناس ثلاجه ويكون الهيل مطحون يعني نااااعم واذا ماتحبي يكون الهيل في القهوه كشكل ممكن تصبين القهوه على صفايه ويكون فيها الهيل بصراحه انا احب ريحته تكون معبيه البيت وطعمه حلو فيها هذا غير فوائده ومو كل الناس تضيف زعفران الا اللي حاب تكون القهوه لونها مايل للاصفر وفي ناس يضيفون حليب ويفتح لونها ويمكن قهوتي ماتعجبك بس انا اموت عليها اذا صارت مركزه ..
اقووووول يالغاليه تبين القهوه الجنوبيه ماعليها كلام
الطريقه
تغلين المويه في الغلايه
تحطين من ملعقتين الى ثلاث ملاعق قهوه
وعويدي اللي هو المسمار ثلاث كفايه
وتصبين المويه وهي فايره تخلينها الي ان تبدأ تغلي
غليتين وتحطين حليب السعوديه عصره مو العلبه كلها ههههههههههه امزح
يعني لين تحسين ان اللون بدأ يتغير للافتح بعدها تحطين الزعفران الاصلي شوي
وتخلينه تقطع بالجنوبي (تغلي) الى ربع ساعه اوثلث ساعه واذا قلت المويه تزيدين مويه فايره ويالله
وبعدها هاتي الثلاجه وحطي هيل ومسمار مطحون حطي ملعقه في الثلاجه
وصبي القهوه وعليك بالعافيه
شهويتيني للقهوه باقوم اسوي لي دله
اممممممممممم على فكره اذا تبغين قهوه حريم يسموها عندنا لأن عاده الرجال مايرغبونها تضيفين
على القهوه وهي تطبخ زنجبيل اخضر مبشور اممممم تطلع كاااايفه
بالعافافيه والله الله بالبسبوسه

لااله الا انت سبحانك اني كنت من الظالمين


الساعة الآن 10:19 .