الله يعينك
12-03-1430 هـ, 09:09 مساءً
 
اذا كان العشاء الرسمي من برا يطيح الحمل كله

سوي نوعين سلطه يعنى مقدراين للرجال والحريم ونوعين حلى عشاء مقدارين ونوع من الشعبيات وبس وعصير ولبن ومع القهوة نوع حلى وبسسسسسسسسسسسسسسسس

انا دايم كذا وريحي عمرك ولاتكلفين تراك معذورة
12-03-1430 هـ, 10:08 مساءً
 
اذا اهلك في نفس مدينتك واخواتك وبنات خوالك او عمانك اذا تمونين عليهم خليهم يساعدونك كل وحده طبق ..

اذا بتحطين بوفيه ..
قبل بيوم جيبي طاولة البوفيه وصفي عليها الصحون والملاعق ..

اي حلى سواء قهوه او عشاء سويه قبل بيوم وجيبي زياده من برا ..


خذي شغالات اخواتك واهلك واذا تمونين على بنات اقاربك خليهم يساعدونك ..

واذا انتي من اهل الرياض ترانا نعيين ونعاون انتي بس تامرين
12-03-1430 هـ, 11:59 مساءً
 
مشكورات كل البنات اللي تفاعلو معي
بيير كاردان ..اسمك صعب مدري وشمعناه...الله يجزاك خير ما قصرتي بتجين تساعديني والله ما احد يلومني فيكم يا حوائيات اذا جلس طول اليوم في المنتدى اااااااااحبببببببككككككككم ما قصرتو كلكم وجيهكم بيضاء
13-03-1430 هـ, 04:01 صباحاً
 
شوفي حبيبتي دام فيه ذبيحه لا تتعبين عمرك

سوي الحلا والمقبلات وبس

واذا تبين صنف ثاني سوي ادام او جريش


ولو تسوين لحمه باقصدير مرررره سهله ومريحه يعتبر ايدام ينوكل بالخبز

احس الباشميل والطبخات الثانيه ما تصلح مع الذبيحه

مثلا تسوين ورق عنب او ملفوف وبعد ما يستوي ويبرد تنقلينه بطبق قزاز على الثلاجه (( ينفع تسويه قبل اربع او خمس ايام ))

لفي سمبوسه وسبرينق رول وحطيها بالفريزيرقبل اسبوع لو تبغين


والسلطات فكري وش بتسوين لو فتوش قطعي الخبز قبل فتره و حطيه بالفريزر


وقبل العزيمه بيوم سوي الحلا للقهوه وللسفره


بس لازم تنتبهي تلفيه زيييييييييييين فبل ما يدخل الثلاجه عشان يوم تحطينه يبين انك مسويته بنفس اليوم


و قطعي السلطه وانتبهي للخضره لازم تكون ناشفه من المويه

وغطيها وعلى الثلاجه


وسوي الصوص للسلطه وكمان على الثلاجه


طلعي كل الصحون الي تحتاجينها لللاكل والحلا والشاي والقهوه والكاسات والملاعق وكللللللللللللللللللل شي

حتى البراريد حقت الشاي ودلال القهوه والفناجيين


وغسليه حطيه بتبسي كبير ولفيه بسفره ويومها بس تستخدمي الاشيا ما يحتاج غسل

ونامي والمطبخ زي الفل ما فيه ولا كبر الشعره


وبس بعدها رتبي البيت زيييييييييييييييييييين

ونظفي الحمامات الله يكرمك والمغاسل زييييييييييييين

ملاحظه (( خلي الترتيب اخر شي يعني قبل ما تنامين ))

وغرقي غرفة الضيوف بخور وعطر وشغلى المكيفات بذا الوقت عشان تمسك الريحه

واذا بيتك سيراميك بخري وعطري والبلاط لسه رطب والله الريحه تمسك فيه لمدة اسبوع

وييوم العزيمه بس تقومين تسوي اليدام او الجريش من بدري وعلى قريب المغرب اقلي الاشيا الي تحتاج قلي

وبس روحي تروشي والبسي ولبسي بنتك وزوجك خخخخخخ


وسوي قهوتك وحطي بخورك وحلاك



وسما الله وبارك


والله يعينك على الحوسه الي بعد


واعذريني على الاطاله بس والله حاسه بك والله


واذا بدك طريقه حاجه معينه او اقولك وش تسوين حلا للسفره وللقهوه


او طريقه حاجه معينه انا بالخدمه يا قلبي
13-03-1430 هـ, 04:37 صباحاً
 


الساعة الآن 01:54 .