اخواتى انا مش بحب السمك الا فى المناسبات والاعياد القومية خلقتى كده ربنا خلقنى كده اعمل ايه اعترض
ربنا فتحها على وقرأت كتير عن شوربات السمك وقررت اجازف واعملها وزى ماتيجى حايحصل ايه يعنى وتصدقوا جت معايا يظهر حظ المبتدئين والله اعلم . يمكن كتير منكم جربوها لكن انا بوجه كلامى للاتى لم يفعلهن بعد.
مقاديرها: سمك بدون شوك يعنى بانيه مقطع قطع لا كبيرة ولا صغيرة قوى متوسطة تقريبا + روبيان (جمبرى) مقشر ومقطع + حبار مقطع شرائح رفيع معقوله . دى مقادير السمك
مقادير الشوربة نفسها بصل اخضر مقطع شرائح رفيعة + جزر مقطع مكعبات صغيرة مش قوى + عود كرفس مقطع مربعات صغيرة + علبة قشطة نستله + قطعة زبدة + طبعآ الملح والفلفل + يادوب ملعقة كسبرة طازة مقطعة رفيعة خالص ولاتنسوا فصين مستكة بالمرة.
الطريقة:
- توضع الزبدة وتسيح ويوضع فوقها البصل والجزر والكرفس ويقلب جيدآ حتى يدبل قليل.
- يوضع السمك المخلى والحبار والروبيان ويقلب جيدا الجميع من فصين المستكة.
- يوضع الماء عليه مع الفلفل الاسود والملح ولو احببت ممكن تحطى واحد مكعب ماجى.
- عند الانتهاء من الطبخة وعند التقديم ضيفى علبه القشطة وقلبى جيدا حتى لاتركن وقدميها
وعلى الوجه شوية الكسبرة.
وبالهنا والشفا ويارب تعجب من لم يأكلها بعد انا طبعا بتكلم مع المبتدئين من امثالى فى السمك مش الاسطوات
30-01-1425 هـ, 10:14 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
السلام عليكم
عجبني الموضوع وطبعتة وسوف يدرج في جدول الاعمال
وتسلم الايادي يا سندباد ...ذكرتيني بطفولتي الحلوة ...يسعدك ربي
01-02-1425 هـ, 10:31 مساءً
 
12-08-1425 هـ, 01:44 مساءً
 
12-08-1425 هـ, 02:18 مساءً
 
يعطيك العافيه ***** الله أعملها
12-08-1425 هـ, 10:12 مساءً
 


الساعة الآن 06:07 .