Analysis Services
بسم الله الرحمن الرحيم

اخباركم يا حلوين

تخيلو هاذي اول عزيمه

الله من السناعه وهاذا وانا من سنتين متزوجه

الحقوني امي كبيره واقولها وش اسوي يمه تقول رز وقرصان وجريش >>>>>> ياحبنيلها



المهم ما عرف وش اسوي اول شي الحلى اصلحه ولا من برى

الافضل يعني والعشى برضو وش اسوي اطباق رئيسيه وانا طباخه بس المشكله ما دري القدر اللي اطبخه فيه انا بيجوني 14 حرمه واطفالهم خخخخخ يمكن 9 بزارين الله يعين بس وشقه يا قلبيه

ابيكم تعلموني الطبخه وكم مقدار يناسبني يا اهل الخبره وعشاي مدري حافظات ولا سراويس

وش افضل الله يسعدكم

ولا تفشلوني لاني بتقضى اليوم
13-03-1430 هـ, 04:46 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
السلام عليكم

اولا اقراي موضوعي بنفس الصفحه

ثانيا انا كانت عزيمتي الاربعاء اتقضيت ااثنين وطبخت الحشوات كلها الثلاثاء وويت الحلا والاربعاء قطعت السلطه وجهزتها من غير صو
وكملت الاغراض زي اللي بغالهاا عجين او مكرونه وقبل لايجوا الناس قطعت حلا القهوه وجهزت الصالون حطيت الفناجين والتمر ولو بالصباح احسن

ولما جو الناس قبل العشا قليت وحمرت الصواني وجهزت السلطه وبديت غرف بس احسن شي جهزي الصحون كلها واغراض الطاوله والسفره من بدري والملاقط والكاسات

والله يعينك
13-03-1430 هـ, 05:05 صباحاً
 
اصبري اصلي الفجر
وارجع لس
13-03-1430 هـ, 05:20 صباحاً
 
سوي الحلى بالبيت والافضل من الليل

والعشاء صواني مثلا صينية محشي بالكوسا وصينية خضار بالبشميل ولازانيا

ومصقعه وسمك

وسلطات نوعين او ثلاث

وحلى سفره نوعين مع جلي وكريمه

***** الله اني افدتك
13-03-1430 هـ, 05:49 صباحاً
 
اقولس انا زي كذا عشاء .. افضل يكون حلى القهوة من برا .. تدرين الاربعاء قرب .. والعشاء كبسة .. بس تكون في حافظة .. وتكون من محل معروف في منطقتك انه كويس .. لانها ياخذ معك وقت بالتصليح بحيث تضبيط العشاء صعب يكون المغرب لازم العشاء .. فالافضل يكون من برا .. وتفنني عاد بالباقي
السلطات ..1\ سلطة الزبدي بالخيار وشوي نعناع وثوم ..رائعة محبوبه ومرغوبة وسريعة .. وشكلها حلوو
2\سلطة خضراء عادية او فتوش او يونانية لتشابه بينهن ..
3\ سلطه كنتاكي وهي معروفة
4\تبوله ....
((بكذا راح تكون السلطات مشكله ...طبعا))
مقبلات
1\ورق عنب ..اذا تعرفين احد يسوية او انتي تضبطبنة بس بياخذ وقت وانتيوراك ترتيب ..واستقبال ..
2\مصقع......خضار .....
3\سمك بالفرن ..او فخار او مقلي
4\مكرونة لا شيليها من القايمة بالنسبة لي .. لوجود الكبسة وانا اشوف ما يجتمعون ابدا وجهه نظر وانتي ورايك
5\كبة الجاهزة تبع شامي يلاقينها بجيان وكارفور رائعه كانة يدوب كجهزتها
6\منتو ....رائع طبعا جاهز
7\بيتزا طبعا صليحيها من الليلو ترا ماتخالف تتحمى بالميكروييف او طلعيه بدري ..وبنكون حرارتها عادية

**تكوني مغلف كل شي من المغرب .. تدرين اذان العشاء تكوني لابسة مجهزة القهوة بترامس والشاهي والتمر والحلى ..بس بعد العشاء تطيبي البيت وتعطريه .. في هالوقت تجهزين الصحون والسفرة ..وغيرة .. هذي بصراحةطريقتي ...
حلى العشاء مجهزتة من بدري ..ما شاء المنتدى مليان ..وهو مرجعي بكل شي ..
بس الله يعينك انتي متاخرة في تجهيز العشاء المفروض من الاثنين تبدئين تجهزين بس بتهون ان شاء الله وانتي تشتغلين امانة اذكري الله وتعوذي من ابليس واقرى قران ..صدقيني راح يكون بالوقت بركة .... والله يعينك واحنا حاضرين والبنات مراح يقصرون
13-03-1430 هـ, 06:44 صباحاً
 


الساعة الآن 11:29 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏