الله يعينك

انستقرام
ommral
عندي مبخرة الكرستال من مكة
نظفي البيت زين وحطي الفناجين وصواني القهوة في غرفة الضيوف متا ماتصحي من النوم
والترامس جهزيها من المغرب
الحلى سوي قبل يوم خاصة حلى القوة احسن انت تسوي افضل
سوي نوعين حلى سوي
عجينة البف بستري محشية بجبن كيري لذيذة جدا مع القهوة وسهلة مرة
سوي حلى اخر من اختيارك
مع التمر حطية بصحون حلوة وشيك
خلاصنا القهوة
نجي للعشا

سوي فطاير مثل بيتزا وسوي فطاير جبنة
سوي مكرونة بالبشاميل تقدري تسويها قبل يوم بس لاتحيها في الفرن الا وقت العشا
سوي بطاطس ودجاج بالصينية
سوي رز ابيض مع دجاج بالفرن (يعني كبسة) او برياني دجاج
سوي محشي كوسا وورق عنب ومحشي فلفل
هذا اللي في بالي الحين
هلا بك اختي

ان شاء الله بيكون معك وقت شوفي اذا ماتقضيتي الاغراض اطلعي الان تقضيها بعد ماتجهزين وش بتسوين

واذا رجعتي ابدي بحلى القهوة والعشا والكيك اسهل من الفطاير خصوصا فيه عشاء وراء القهوة والشاهي فأشوف ان مالها داعي ( هذا رايي وانتي طبعا حرة مجرد رأي)

المهم خلصتي الحلويات مثلا حلى الزبادي للقهوة ومعمول من برا اذا ماعندك وقت او مثلا حلى الزبادي وكيكة التمر(ابحثي عنها بالمنتدى)
والكيك كيكتك العادية المعتمدة عندك وحدة سويها بيضاء والثانية سمرا

وحلى العشاء سوي واحد تشيز شكله حلو ويواجه وحلى بصينية وحلى اكواب

خلصتي الحلويات
افرشي السفرة وحطي الملاعق وكل شي وغطيها بسفرة ثانية وامسكيها من الاطراف باكواب او اي شي
ونامي نوم العوافي
واذا صحيتي ارتاحي شوي لان وراك يوم طويل
بعد الظهر تبدين وتكونين شارية اشياء مفرزنة تواجه مثل كبة شامي حلوة وكأنها شغل بيت تطلعينها من الفريزة وسمبوسة الكبير جبن ودجاج حلوة برضه تفك ازمات تطلعينها وتخلينها برا ماعدا سمبوسة الجبن

وتسوين جريش اذا بتكبينه عشانه ماياكل وقتك تكبينه وتشيكين عليه بس مو مثل القرصان والمرقوق

بعدين بعد العصر تبدين بالسلطات تسوينها وتحطينها بالثلاجة

مثلا الفتوش وسلطة الزبادي او سلطة يوناية مع حمص وورق عنب

وتجهزين الصياني بس يبقى طبخها مثل مسقعة كريكرة حلوة مرة

والله يعينك على الجو اليوم ماراح يمديك تفرشين السفرة ان شاء الله يكون الجو الصباح احسن بس لازم تصحين بدري وبيصير الشغل اكثر من اي يوم ثاني لان الجو مرة فظيع الله يكشف عننا هالغمة بس

بيصير البيت وسخ وسخ حطي في بالك هالشي وكله يبي له تمسيح وتنظيف حتى لو عندك شغالة ماراح تقدر لحالها

ولي عودة باذن الله بس لاني انشغلت

وان شاء الله يكون في بالي جديد وارجع

استعيني بتوكلك على الله اختي وكثرة الاستغفار ولاتنسين قبل تنامين تسبحين وتكبرين وتهللين ثلاثة وثلاثين وتستغفرين وربي معك
مافيني شي بس يمكن من رحلت وغبت ضاقت الدنيا شوي
مافيني شي بس فاقدتك
هلا حبيبتي البنات ماقصروا

بس اهم شي تقسمين

وتكتبين في ورقة شبتسوين

المقبلات " سلطات ، حمص ، متبل ، ورق عنب نوعي تقدرين تطلبين من برع او تجهزينها من وقت

الاطباق الرئيسيه معكرووونه مشاوي محاشي رز لازانيا بروستد كاري

الحلويات 3 انواع و فواكه

وحق الأطفال سوي لهم جبس ونجتس ومعكروون بالجبن <<< يعني الاطباق اللي يحبوونها الاطفال

والله يوفقك
اللهم اغفر لوالدي وارحمه, وعافه واعف عنه, وأكرم نزله ووسع مدخله وأبدله داراً خيراً من داره, وأهلاً خيراً من أهله, وزوجاً خيراً من زوجه, وأدخله الجنة وأعذه من عذاب القبر ومن عذاب النار
أهلين اختي

والله حاسة فيك
شوفي عيوني الرز خليه من برا خصوصا انك تقولين اول مرة تسوين عزومة ومرة ثانية اجمعي خواتك وبنات عمك اللي ميانة بينكم وجربي انتي تطبخين وشوفي وش القدر اللي بتحطينه تقريبا لكل شخص كاس بس مو بهالعزومة تجربين لانها اول عزومة ببيتك تقولين لازم تشرفين وتصيرين قدها

ولا تضيعين وقتك بالطلبات وانتظار شي من برا لانك ماتدرين عن الظروف يعني على الرز وبس من برا لانك ماتدرين احيانا تكونين حاسبة حسابك على كم طبق من برا وتجد ظروف ماتجي خصوصا مثل هالجو اللي حنا فيه

وامممممممم وش بعد
الحلا طبعا لازم اليوم تسوينه وترتاحين
واذا عندك خوات جيبيهم العصر ينفعون ( وش خوات ببلاش)

المهم جهزي كل شي وقبل العشا بشوي تكونين جاهزة وخالصة باقي بس تحمير للصواني وتلبسين وتعطرين البيت خلاص ماعاد فيه طبخ الا قبل العشا بشو تقلين عشان الريحة لما يجون الضيوف

ولاتنسين اهم شي الاستغفار وتوكلي على ربك
مافيني شي بس يمكن من رحلت وغبت ضاقت الدنيا شوي
مافيني شي بس فاقدتك


الساعة الآن 09:41 .