سوي العلبه كلها واخذي الي تبين والباقي بالفريزر


اضغطي على الصوره لمعرفة لماذا حذف توقيعك .
استغفر الله واتوب اليه
هلا أختي أولا لازم تعرفين النكهة اللي لازم تسوينها حامض وإلا باللحم

وأنا بصراحة احب الحامض وهذه هي طريقتي احبها اكثر من أي طريقة ثانية

الحشوة:
ثلاث كاسات رز مصري صنوايت (( لأن فيه أنواع رز مصري تحتاج طبخ أكثر ماتنفع للف ))

وحزمة كزبرة أو نصف حزمة بس كاملة أفضل

وطماطه وحده

وثوم وكثري الثوم أنا أحط تقريباً فصوص واحد كامل (( وأحطها في قطاعة البصل مع الطماطه وتطحنهم سوا وارتاح ))

لو ماحبيتي تستخدمين القطاعه

قطعي بيديك لاتحطيها في خلاط العصير عشان تطلع ألذ

نكمل

و ملعقة ونصف كبيرة من البهارات - وملعقة صغيرة كمون - ونصف ملعقة كبيرة ملح ليمون (( أنا أحب اكثر ملح الليمون بس هذا المقدار احس مناسب له نصف ملعقه لأنه حامض وذوقي الخلطة قبل لاتحشينها بالورق إذا كان حامض مرره انتبهي خففي حمضها إما تغسلين شوي من الرز بموية وترجعين تخلطينه أو تحطين بطاطس مع الطبخ عشان يمتص الحموضة ، بس أقل من ملعقة كبيرة أحس بتكون مضبوطة ))

ودبس الرمان تقريباً ملعقتين كبيرة وهو مايطلع له نكهة إلا إذا كنتي تحبين تكثرين الحموضة إذا ماتحبين الحامض لاتحطينه لأنه حالي

وملح حسب الرغبة بس لاتكثرين عشان الماجي مالح

وزيت زيتون تقريبا كاس ونص

ومكعبين ماجي للسلق

الطريقة

أولا انقعي الرز بعد غسله أقل شي ثلث ساعه

أثناء ذلك جهزي بقية المقادير

افرمي الكزبرة والطماطم والثوم البهارات والكمون ودبس الرمان والملح وزيت الزيتون

ثم اخلطيها مع الرز

وابدأي احشي

اسهل لك

خذي العلبة كلها وفككيها وانشريها على طاولة كبيرة واحشيها أقل من ملعقه كبيرة لكل حبه وطبعا يعتمد على حجم الورق

ومافيه أسهل من اللف

افردي الحشوة بشكل أفقي من جهة الساق ثم سكري من فوق ثم اثني الأطراف ثم اكملي اللف مثل الصور الموضحة في الروابط اللي حطوها البنات

ثم خذي كل خمس حبات واربطيهم سوا

وحطي في قاع القدر شرايح بطاطس أو طماطم عشان مايحترق أنا ما أحط بس لأنك مبتدئة لازم تنتبهين

وتكونين من قبل مسخنه الموية بعد ماتصفين شرايح البطاطس أو الطماطم صفي المحشي فوقها ثم صبي الموية لين تقرب تغطيه بس واتركيه يطبخ ساعة ولاتنسين تحطين مكعبين الماجي لأنه سر النكهة وإذا حبيبتي حطي شوي زيت زيتون


بعد ساعة طلعية وفككي الخيوط منه

وصبي عليه شوي زيت زيتون وليمون وبالعافية

وما أكذب عليك المحشي هذا نحبه أكثر من محشي المطاعم حتى قرايبنا كانوا ينهبلون عليه بسالآن في المناسبات نريح أنفسنا ونشتري الجاهز

وأنا وضحت طريقة تربيطه هنا
http://forum.hawaaworld.com/showthread.php?t=1382521

وبشرينا أختي
مشكورررررررررررررررررررررررررررررررررررررررررررررين الف الف مليون شكر ***** الله يضبط معي يارب
الله يوفقكم وييسر أموركم
انا اعمل نفس طريقه البنات بس (مااربط الحبات ولا احط عليه صحن )

وارصه في صينيه واغلفها بالقصدير وعلى الفرن تطلع لذيذه مرررة


الساعة الآن 07:06 .