السلام عليكم ورحمة الله وبركاته


يابنات انا تربيه عملي

وعندي الاحدهذا اللي بعدبكره شرح لثاني متوسط

وانا اول مره اشرح وشايله هم كثير


درسي عن البروتين وانواعه وعن تنظيف الطيور

وعن مشوي الدجاج يعني عملي ونظري


ومحتاره بالوسائل ابي شي حلو وجديد


ابي افكار حلوه وغريبه بس انا اقدر اسويها


وببداية مااشرح وش اقول ياربي والله مو عارفه


طلبتكن ساعدوني باي شي


يامشرفات سالتكن بالله لاتنقلن الموضوع بالقسم المخصص لهذا الطلب مافيه تجاوب


وانا ابيه عاجل عاجل مابقى غير اليوم وبكره وبعدين احذفوه والا انقولوه


ساااااااااااااااااااااااعدوني

عشان يكون عندي وقت اشتري الاغراض
16-03-1430 هـ, 06:37 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
الله يكون في عونك
16-03-1430 هـ, 06:47 مساءً
 
ياختي سمي بالرحمن وفكري بهدوء كذا ما راح يطلع معك شي واكتي بقوقل اي كلمة تدلك على اللي تبين مثل افكار حلوه للتقديم الدرس او وسائل شرح كذا ويطلع لك مواقع كثيرة تصفحيها وهي تدلك وعندك موقع الشريف التعليمي وغيره من المواقع التعليمية المفيدة والله معك
16-03-1430 هـ, 07:03 مساءً
 
هذي بعض الاقتراحات ان شاء الله تفيدك..
بالنسبة للبداية حاولي انك تطرحين اسئلة على الطالبات وهم يستنتجون الدرس عن ايش..

بالنسبة للوسائل:
اعملي مجسمات لمراحل تنظيف الطيور (اهم ثلاث مراحل مثلا) واختاري نوع واحد من الطيور (دجاج او حمام )ثبتي كل مجسم داخل علبة او صندوق كرتون زي علب جزمة بوت يكون كبير ومربع وانتي غلفيه بأسود عشان يوضح مجسمك اكثر ويكون شكله جميل ..وعلى الغطاء تبتي رقم المرحلة ..
وانتي اشرحي كل مرحلة لحال وخلي الصندوق يدور على البنات واستعجليهم يمشونه بسرعة بينهم وخلا مالصندوق يدور على البنات اسأليهم عن المعلومات اللي شرحتيها لهم عن هالمرحلة .. بعدين انتقلي للمرحلة الثانية على طول حتى لو الصندوق ما وصل لكل البنات.. وهكذا..
وفكرة وسيلة اخرى وهي انك تثبتي ادوات الشوي على لوحة كبيرة (الملقط.ا...الخ)او جيبي لهم صور وعلقيهم على لوحة عشان تكثر وسائلك بعين المشرفة خخخخ

بالنسبة للدجاج المشوي
اكتبي المقادير على لوحة خاصة
وخلي فراغ قبال كل مقدار عشان تسألين البنات وش نوع هالمقدار (بروتين ،كربوهيدرات،الخ..)
والطريقة بلوحة ثانية والطريقة خليها مختصرة وعلى شكل نقاط (1)(2)(3)..
واذا ناوية تشوين عالفحم ولعي الفحم قبل الدرس على الاقل بعشر دقايق لأنه ياخذ وقت لكن لازم تشرحين لهم الطريقة (طريقة توليع الفحم) بطريقة صحيحة ويكون خارج البيت بالحوش او البلونة ..واشرحي لهم خطورة توليع الفحم داخل البيت حتى للتدفئة لأنه يسبب الاختناق،ويقتل خلال 3 دقائق فقط.

وبالاخير اذا حطيتي الدجاج بالشواية تكلمي عن السلطات اللي المفروض تحطينها مع الشوي عالسريع وتكونين مجهزة المقادر وخلي كم وحدة من البنات بغسلون ايديهم ويلبسون قفازات ويسوون السلطات معك ..وسويلهم خلطة المايونيز مع المخلل لذيذة وراح يبنسطون عليها ..
بالاخير التقديم خليه زي البوفيه وجهزي صحون التقديم والمفرش والمناديل والصحون وكل شي وجيبي لهم عصير وخلي البنات يساعدونك بتزيين البوفيه جيبي لهم شموع بولعوها
وخليهم يجهزن صحنين للمشرفة واحد وللمديرة واحد ..



معليش انا ما قد درست تدبير منزلي لكن بعض الافكار جبتها من قريبتي تخصصها تغذية وتسولف دايما عن خرابيطهم خخخ.
16-03-1430 هـ, 07:28 مساءً
 


الساعة الآن 07:45 .